Dünyada baş verən yeniliklər təkcə gündəlik həyatımıza deyil, ixtiralara da öz təsirini göstərir. Bunların bəziləri artıq satışa çıxarılıb, bəziləri isə yaxın müddətdə ictimaiyyətə təqdim olunacaq.
Ednews oxucuları ilə heyrətamiz ixtiraları bölüşür.
Xüsusi masa lampası
.jpg)
İçərisinə yerləşdirilən xüsusi maqnitlərdən ibarət olan və “Flyte” adlanan lapmanın quruluşu görənləri valeh edir. Belə ki, bu lampa özünəməxsus üsulla taxta üzərində yerləşdirilib və havada qalır. “Flyte”-nin əsas xüsusiyyəti isə az enerji sərf etməsidir. Qeyd edək ki, lampa gün ərzində 6 saat işləyərsə, 22 il istifadəyə yararlı olar.
"Ağıllı" Gödəkçə
“Flexwarm” adı verilən gödəkçə arxa, sinə və bilək nahiyələrində yerləşdirilən xüsusi qızdırıcı nöqtələrə malikdir. Gödəkçədəki sensorların köməyi ilə siz öz istəyinizə uyğun olaraq istilik axınını tənzimləyə bilərsiniz.
Mətbəx sterilizatoru
Bu sterilizator cihazı hər hansı bərk və məsaməli olmayan səthlərdən zərərli bakteriya və mikroorqanizmlərin 99%-ni məhv edə bilir. Bu prosses Ultrabənövşəyi (UV) şüaları hesabına baş verir.
3 tərəfli çevik telefon
Bu cib telefonu bir-birinə bağlı üç ekrandan ibarətdir. Siz eyni vaxtda müxtəlif proqramlardan istifadə etsəniz belə, telefon müxtəlif rejimlərdə işləmə qabiliyyətinə malikdir. Sözügedən ixtiranın klaviaturası isə qatlanan hissənin arxasında yerləşir. Qeyd edək ki, alimlər layihənin istehsalının mümkün qədər tez başlayacağını bildirib.
Tərcüməçi qulaqlıq
Bu qulaqlıqlar ən yararlı ixtiralardan biri sayılır. İstifadəsi isə çox sadədir. Belə ki, siz parametrlər vasitəsilə istədiyiniz dili seçirsiz və qulaqlıq sizin üçün eşitdiyiniz hər cümləni tərcümə edir. Həmçinin bunun üçün xüsusi internet bağlantısına da ehtiyac duyulmur.
Günəş ilə enerji dolduran cihaz
“Port” adlanan və günəş enerjisi ilə telefonunuzun enerjisini dolduran bu cihaz yığcam portativ batareya rolunu oynayır. Sizə lazım olan tək şey onu evin, avtomobilin və ya təyyarənin istənilən pəncərəsinə bərkitməkdir.
Nəzrin Beydiyeva
