Dünyanın ƏN XƏSİS MİLYARDERLƏRİ - Heyrət edəcəyiniz SİMİCLİKLƏR - ednews.net

3 Fevral, Cümə

(+994 50) 229-39-11

Dünyanın ƏN XƏSİS MİLYARDERLƏRİ - Heyrət edəcəyiniz SİMİCLİKLƏR

Maraqlı A- A A+

Çoxlu pula sahib olmaq zənginlikdir. Amma bəziləri milyarder olsalar belə pul xərcləməyi sevmirlər. Sərvətləri nə qədər çoxalırsa çoxalsın, sadəcə onu yığmaqla kifayətlənirlər. Simiclikləri ilə dünya tarixinə düşən bu insanlar eşidənləri təəccübləndirir.

Ednews dünyanın ən simic şəxlərini təqdim edir:

İnqvar Kamprad

İkea-nın qurucusu olan bu şəxs milyardlarla sərvəti olmasına baxmayaraq avtobusa minir, köhnə Volvo-nu idarə edir və müntəzəm olaraq İkea-nın yeməkxanasında nahar edirdi. O, 2018-ci il yanvarın 27-də 91 yaşında vəfat etdi. Öləndə onun sərvəti təxminən 58 milyard dollar idi.

Con Kaduell

Milyarderin hazırda sərvəti 2,7 milyard dollardır. Britaniyanın mobil telefon şirkəti olan Phones 4-ün həmtəsisçisi saçları özü kəsir. Paltarlarını isə Marks & Spencer mağazasından alır.

David Şeriton

Davidin hazırda sərvəti 6.7 milyarddır. Stenford Universitetinin milyarder professoru və Paylanma Sistemlər Qrupunun yaradıcısı bahalı yerdə yemək yeyərkən onun yarısını ertəsi günə saxlayır. Milyarder saçını özü kəsir və 1986-cı il istehsalı olan Volkswagen furqonunu idarə edir.

Uarren Buffet

Buffetin hiylələri maliyyə dünyasında yaxşı tanınır. Hazırda onun sərvətinin dəyəri 70.8 milyard dollardır. O, 1958-ci ildən bəri Nebraskada 31.500 dollara aldığı köhnə evdə yaşayır. Milyarder, həmçinin, 20 ildir eyni pul kisəsini daşıyır, səhər yeməyi üçün hər gün McDonalds-da yemək yeyir, flip telefondan istifadə edir və uzun illərdir eyni avtomobili idarə edir.

Cin Paul Getty

Milyarder nəvəsi qaçırılan zaman 17 milyon dollarlıq maliyyə ödəməkdən imtina edib. Nəhayət, qaçıranlar ona nəvəsinin kəsilmiş qulağını göndərəndə o, 3 milyon dollarlıq ödəniş etməyi qəbul edib.  Digər 800 min dolları isə oğluna 4% faizlə qaytarmaq şərti ilə borc verib. Qeyd edək ki, 2017-ci ildə sözügedən hadisə haqqında film çəkilib.

Azim Premji

Hindistanlı biznes maqnatı, investor, mühəndis və Uipro Limited-in sədri  xeyriyyəçi qeyri-rəsmi olaraq Hindistan İT Sənayesinin Çarı kimi tanınır.  Azimin hazırki sərvəti 6,3 milyard dollardır. O, Hindistanın ən zəngin adamlarından biridir. Deyilənə görə, “Toyota Corolla” sürür, avtobusdan istifadə edir, iş zamanı şirkətlərin qonaq evlərində qalır. O, işçilərinə ofisdə işıqları söndürməyi xatırladır və tualet kağızı istifadəsinə nəzarət edir. Sözügedən milyarder hətta oğlunun toyunda kağız boşqablardan istifadə edirdi.

Hetti Grin

Uoll Stritin Cadugəri ləqəbli Hetti, Qızıl Dövrdə "Amerikanın ən zəngin qadını", amerikalı iş qadını və maliyyəçi idi. O, var-dövləti ilə tanınırdı və adı Ginnesin Rekordlar Kitabına düşüb.

Bugünkü standardla milyarder olan Hetti-nin xəsisliyi əfsanəvi idi. O, paltarlarını (və alt paltarlarını) köhnələnə qədər geyinirdi. Deyilənə görə o, bir dəfə oğlunun ayağını sındırdıqdan sonra yoxsullar üçün xəstəxanaya (pulsuz olduğu üçün) yerləşdirməyə çalışıb. Sonda isə onun oğlunun ayağı amputasiya edilməli oldu. Hetti 150 dollarlıq əskinas (o vaxt 100-200 milyon dollar dəyərində idi) ödəmək istəmədiyi üçün yırtıqdan əziyyət çəkirdi. Sözügedən simic qadın yaşadığı ştatların heç birində vergi ödəməmək üçün müntəzəm olaraq köç edib.

Nəzrin Beydiyeva



Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...