İş yerlərində, ofislərdə tez-tez bu cür tiplərlə rastlaşırıq. Aşağı-yuxarı hər yerdə eyni mənzərədir. Biz bunu bəzən acı təəssüflə, bəzən təbəssümlə xatırlayırıq. Deyirik ki, o vaxt bir yerdə işləyirdim, orda belə-belə adamlar vardı. Yaxşıları və pisləri yaddaşımızda saxlayır və daha çox təcrübə toplayırıq. Növbəti iş yerlərində artıq özümüz üçün immunitet hazırlayırıq, kimlə necə davranmaq lazımdı, kimi sevmək, kimdən uzaq durmaql azımdı, hamısını öz içimizdə yerbəyer eləyirik və bu təcrübəylə işimizə,həyatımıza davam edirik.

Ancaq bu dünyada elə şeylər var ki, onlardan qaçış yoxdur. Hara getsəndə, gəlib düz qarşında dayanacaq. Zaman keçdikcə ətrafını, insanları dəyişmək istəyi yaranacaq içində. Birdən ayılacaqsan ki, ey dadi-bidad, əslində nəyisə düzəltmək gərəksizdir, çünki sən heç özünü dəyişdirə bilməmisən. Aynada özünə baxıb görəcəksən: sən də onlar kimisən. Sən də kiminsə gözündə hansısa rəfə qoyulmuş kitabsan.

Ona görə də bu yazıda – işdə rastımıza çıxan tiplər – hər kəs özünü tapacaq. Hərənin alnına bir yazı yazıldığı kimi, xarakter də hərə də bir cürdür. Biz sizə iş yerlərindəki xarakterik obrazları təqdim edib aradan çəkilirik.

- İşə gecikənlər – Qatara çata bilməyib, yuxudan gec durub. Həmişə içində bir bəhanə ilə işə tələsər.

- Qaradinməzlər – Dindirməsən dinməzlər, heç bir qrupa qarışmazlar, iş saatlarını sakit keçirər, nahar fasiləsində heç kimlə danışmazlar. Onlar tənhalığı sevərlər.

- Yola verənlər – Onları düşündürən əsas sual budur: "Nə edək ki, iş vaxtını boşa keçirək?”

- Xeyrə-şərə yarayanlar– Onlar sevimli tiplərdir. Ad günləri, bayramlarda yığıncaq təşkileləməkdə Nobel mükafatı ala bilərlər. Yenə o kafelər olardı, yenə yığışaraq biz...

- Dedi-qoduçular– Kim işə gec gəldi, kim kimə nə söz dedi. Ürəklərini boşaltmasalar rahat işləyə bilməzlər.

- Kiminsə qohumu – Adı var, özü yox. Onların işini də bir başqası görər.

- Boşboğazlar– Hamı başını aşağısalıb işini görən vaxt gəlib lazımsız mövzular açıb saatlara danışmağısevərlər.

- Daim icazə istəyənlər– Yas düşüb, orda iştirak etməlidir. Bir tədbir var, mütləq getməlidir. Onların icazəsiz bir günü yox, bir saatı keçməz.

- Məşğul görünənlər – Ciddidirlər. Toxunsan qan düşər. Həmişə, hər zaman məşğuldurlar. Yemək yeyəndə də…

- Köhnə iş yerlərindəndanışanlar – Onlar keçmişin dəlisidirlər. Bir vaxtlar yaxşı yerlərdə işləyiblərmiş, yaxşı maaşlar verilirmiş. O zaman pulun pul, Allahın Allah zamanıymış.

Oğuz Ayvaz 

• Tag:
• İş yerlərində hər gün qarşılaşdığımız 10 TİP