Yay mövsümündə insanlar istirahət üçün açıq məkanlara üz tuturlar. Ölkəmizinin iqlimi və təbiəti yay boyu səyahətlər üçün əlverişlidir. Əgər siz şəhərdən çox uzaqlaşmadan dincəlmək istəyirsinizsə, bu məqaləni oxumağınızda fayda var.
Ednews Bakıda ən uyğun istirahət mərkəzlərini təqdim edir.
Omar Atçılıq Mərkəzi
Bakıdan kənarda dincəlməyə ailəvi istirahət etməyə ən uyğun məkanlardan biri də məhz Omar atçılıqdır. Bura giriş adambaşına 5 azn təşkil edir. Burada pikniklə yanaşı at da sürə bilərsiniz. Həftə sonu gəzintilər üçün ideal seçim ola bilər.
Balıqlı Göl
Həftəsonlarını Balıqlı Göldə istirahət etməklə dəyərləndirə bilərsiniz. Bu məkan Binədən Qalaya gedən yolda yerləşdir. Az insan tərəfindən bilinən bu məkan ruhunuzu oxşayacaq. Giriş ödənişsizdir
Bakı Mərkəzi Park
Bakının mərkəzində yerləşən bu parkda da ailəniz və dostlarınızla piknik etmək üçün bir araya gələ bilərsiniz. Yeni istifadəyə verilmiş Mərkəzi Park köhnə Sovetski ərazisində salınıb. Giriş isə ödənişsizdir.
Zirə Eko Park
Bakı-Pirallahı yolu üzərində yerləşən Zirə Mədəniyyət Mərkəzi, başqa adla desək, Zirə Eko Parkı həm uşaqların, həm də böyüklərin zövqünü oxşayacaq yaşıllığa sahibdir. Burada siz piknik üçün lazım olan ləvazimatları (stol, stul və s.) kirayə götürə bilərsiniz. Giriş ödənişsiz olsada ləvazimatlar ödənişlidir.
Dədə Qorqud parkı
Əgər çox uzağa getmək istəmirsinizssə şəhərin mərkəzində 2013-cü ildə salınmış Dədə Qorqud Parkı da piknik etməyiniz üçün münasibdir. Bura giriş ödənişsizdir.
Nəbatət Bağı
Şəhər daxilində oksigen axtaranlar yolunu Nəbatət bağından sala bilərlər. Bağda müxtəlif növ, yerli və xarici bitkilər əkilib. İstirahət etmək, dostlarla vaxt keçirmək üçün gözəl mühit yaradılıb. Bağa giriş 1 nəfər üçün 1 AZN-dir.
Kazımlı Rübabə