Tohoku Universitetinin iqtisadiyyat professoru Hiroşi Yoşida Yaponiya Mülki Məcəlləsinin dəyişdirilməli olduğunu, əks halda 500 ildən sonra hər kəsin “Sato-San” adlandırılacağını bildirib.
Ednews gazeteduvar-a istinadən xəbər verir ki, Mülki Məcəllə dəyişməzsə, 2531-ci ilə qədər hamı eyni soyada malik olacaq. Yaponiyada 6-cı əsrdə başlanan ilk siyahıyaalmadan bəri ev təsərrüfatında yaşayan insanlar vahid “yəni” (ev, ailə) sayılır.
Yaponiya Mülki Məcəlləsinə görə, ailənin hər bir üzvü eyni soyada malik olmalıdır. Evliliklərin 95 faizində qadın tərəfi öz soyadını dəyişərək kişinin soyadını götürür və ailə şəcərəsi kişi vasitəsilə davam edir.
Tohoku Universitetinin iqtisadiyyat professoru Hiroşi Yoşida tərəfindən aparılan araşdırma nəticəsində məlum olub ki, evli cütlüklərin ayrı soyaddan istifadə etməsinə icazə verilməsə, Yaponiya vətəndaşları 500 il ərzində eyni soyada sahib olacaqlar. Mainichi Shimbun qəzetinə danışan Yoshida, ölkədəki hər kəsin 2531-ci ilə qədər "Sato-san" adlandırılacağını bildirdi.
Xəyal Ramiz