"Eurasia Diary" CNN-ə istinadən xəbər verir ki, İkinci dünya müharibəsindən bəri nəşr olunması qadağan edilən Adolf Hitlerin yazdığı “Mənim Mübarizəm” kitabı Müasir Tarix İnstitutu tərəfindən yenidən çapa buraxılıb. Nəşriyyatçının bildirdiyi məlumata görə, bir il ərzində “Mənim Mübarizəm” kitabının 85 000 nüsxəsi satılıb. Müasir Tarix İnstitunun rəhbər müavini Dr. Magnus Brechtken açıqlayıb ki, kitabın ictimaiyyət üçün böyük maraq doğurması təəccüblüdür.
İnstitut bundan əvvəl “Hitlerin çıxışlarını, yazılarını və göstərişlərini”, onun “ikinci kitabını” və nasional-sosialist hökümətinin digər rəsmiləri “Josef Qebelsk və Alferdin gündəliklərini” çap edib.
İnstitut kitabın 40 000 nüsxəsini nəşr etməyi planlaşdırır. Bundan əlavə bu kitabı əldə etmək üçün İnstituta 15 000 sifariş gəlib.
Bu kitaba kimlər maraq göstərir?
İnstitutun bildirdiyinə görə “Mənim Mübarizəm” kitabını əsasən akademiklər və tarixə maraq göstərən şəxslər almağa meyilli olur. Magnus Brechtken hesab edir ki, Hitlərin bioqrafiyasını və Üçüncü Reyx haqqında kitab oxuyan şəsxlər bu mövzu haqqında geniş araşdırmalar aparmağa maraqlıdırlar, çünki onlar Hitler haqqında ancaq tənqidlərlə rastlaşıblar.
Brechtken həmçinin düşünür ki, nəşr edilən kitab ultra-sağçıları narahat edir. O deyir ki, ultra-sağçı tərəfdarları “Mənim Mübarizəm” kitabının yeni nəşrini oxumaq istəmirlər, onlar bu kitabın orijinalını oxumaq istəyirlər. Ona görə ki, bizim Üçüncü Reyxlə bağlı nəşr etdiyimiz kitabda Hitlər pislənilir. Bu mövzu haqqında kitabımızı oxuyan şəxslər heç vaxt Hitlərin ideyalarını dəstəkləməyiblər.
Almaniyada fəaliyyət göstərən Yəhudilərin Mərkəzi Şurası Hitlərin kitabının yenidən nəşr olunması ilə bağlı reaksiyası bir mənalı olmayıb. Almaniya Yəhudilərinin Mərkəzi Şurasının prezidenti Dr. Josef Schuster vurğulayıb ki, Almaniyada yaşayan yəhudilər inandırılıb ki, “Mənim Mübarizəm” kitabı bir daha nəş olunmayacaq. Lakin biz yəhudilər Hitlərin ideologiyasını tənqid edilməsinə yönələn kitabın nəşr olunmasına etirazımızı bildirmirik. Onu da qeyd etmək lazımdır ki, Hitlərin ortalığa atdığı irqi nəzəriyyələr hələ də elmi tədqiqatlarda istifadə olunur.
.jpg)
