Iyul ayının 13-də Monteneqro ən önəmli milli bayramı olan - Dövlət Günü bayramını qeyd edir. Son bir neçə il ərzində Azərbaycan və Monteneqro sıx dostluq əlaqələrini inkişaf etdiriblər. Monteneqronun Azərbaycandakı Fəxri Konsulu Vüqar Əliyev Eurasia Diary-ə əməkdaşlığın inkişafı barədə danışıb.

- Monteneqronun Azərbaycandakı Fəxri Konsulluğu nə zaman yaranıb və əsas tapşırığı nədir?

- Konsulluq rəsmi olaraq 2013-cü ilin dekabrından fəaliyyət göstərir. Birincisi, səylərimiz iki ölkə arasında əməkdaşlığın gücləndirilməsinə yönəlib. Biz qarşılıqlı maraqlar sahəsində əlaqələri dərinləşdirmək, hüquqi şəxslərə və fərdlərə kömək etmək, rəsmi dövlət orqanlarının nümayəndələri və iş adamlarını səfərləri zamanı diaspor təşkilatlarını dəstəkləmək üçün fəal çalışırıq.

Konsulluğun fəaliyyəti dövründə siyasi, iqtisadi və mədəni sahələr arasında, iki ölkə qarşılıqlı faydalı əməkdaşlıqda müvəffəqiyyətli uğurlara imza atıb. Mövcud səviyyənin effektiv nailiyyətləri əsasən dövlət və hökumət başçıları arasında dostluq münasibətləri, eləcə də hər iki ölkənin diplomatik nümayəndəliklərinin səmərəli işi ilə asanlaşdırılıb. Bizim təşəbbüslərimizin prezidentimiz, baş nazirimiz, parlament spikeri və Monteneqronun rəsmi nümayəndələri tərəfindən qiymətləndirilməsi əlaqələrin daha da canlandırılması üçün mükəmməl bir təşviqdir.

- Bu gün ölkələrimiz arasında səmərəli əməkdaşlıq mövcuddur və çox yaxşı münasibətlər qurulmuşdur. Bu əlaqələrin daha da genişləndirilməsi perspektivləri hansılardır?

- Müsbət əlaqələrə misal kimi, Mən İyun ayının 23-25-i arasında Baş Nazir Duşko Markoviçin başçılıq etdiyi nümayəndə heyətinin Azərbaycana rəsmi səfərini göstərə bilərəm. Səfər iki ölkə arasında dostluğun əməkdaşlığın və tərəfdaşlığın gücləndirilməsi üçün çox əhəmiyyətli hesab edilir.  Azərbaycanlı rəsmilərlərlə görüş zamanı əməkdaşlığın yüksəlişdə olduğu və strateji tərəfdaşlığa çevrildiyi qeyd olundu.

Enerji, turizm, tikinti, kənd təsərrüfatı və nəqliyyat, eləcə də qarşılıqlı maraq doğuran digər məsələlər üzrə əməkdaşlığın genişləndirilməsi imkanları barədə fikir mübadiləsi aparıldı. Onlar Monteneqroda Azərbaycan ticarət mərkəzinin açılışını müzakirə etdilər. Sazişlərin genişləndirilməsinə artan marağın bir hissəsi kimi təhsil faktorunu vurğulamaq vacibdir, qeyd edək ki hazırda bir çox Monteneqrolu tələbələər Azərbaycan Diplomatiya Akademiyası Universitetində təhsil alırlar

Duşko Markoviçin səfəri zamanı Azərbaycan Respublikası Hökuməti və Monteneqro Respublikası Hökuməti arasında iqtisadi əməkdaşlıq üzrə Birgə Komissiyanın ikinci iclası keçirilmişdir və biznes forumu təşkil edilmişdir; bu mühüm görüş bütün sahələrdə ikitərəfli əməkdaşlığın inkişafı və möhkəmləndirilməsi işlərini təhlil etməyə və qiymətləndirməyə kömək etdi.

İqtisadiyyatın müxtəlif sektorlarını təmsil edən 150-dən çox şirkətin rəhbərləri hər iki ölkənin dövlət rəsmiləri ilə birlikdə biznes forumda iştirak ediblər. Forum iştirakçıları Monteneqroda yaradılan əlverişli investisiya mühiti barədə məlumatlandırıldı və iqtisadi pasport və turizm potensialı proqramı haqqında təqdimat verildi. Əminəm ki, bu səfər və məhsuldar görüşlər ikitərəfli münasibətlərin inkişafına mühüm töhfə verəcəkdir.

Perspektivlər barədə danışırıqsa, onda biznes forumda qeyd olunduğu kimi, ötən il Azərbaycan və Monteneqro arasında ticarət dövriyyəsinin artdığını bildirməliyik. Halbuki mövcud vəziyyət hər iki ölkənin tam potensialını əks etdirmir. Bu günə qədər 17 müqavilə artıq imzalanmış, digər 5 saziş üzrə işlər isə davam edir.

"Azərbaycan Monteneqroda əsas xarici investordur. Hal-hazırda biz Çernoqoriya şimal bölgələrinin inkişafı ilə maraqlanırıq. Bununla əlaqədar, Azərbaycanla kənd təsərrüfatı, nəqliyyat və infrastruktur sahəsində əməkdaşlıq maraqlı ola bilər. Biz Azərbaycan investorlarını bu sahələrə sərmayə qoymağa dəvət edirik və bizim tərəfimizdən geniş investisiyalı stimullaşdırıcı tədbirlər həyata keçiririk " Forumda çıxış edərkən Duşko Markoviç söyləyib . Hesab edirəm ki, bu sözlər əməkdaşlığın daha da genişləndirilməsi üçün geniş perspektivləri açıq şəkildə göstərir.

Qeyd etmək lazımdır ki, Azərbaycanla Monteneqro arasında əlaqələr yalnız dövlət və biznesə deyil, həm də iki ölkə vətəndaşları arasında münasibətlərin səviyyəsinə əsaslanır. 2013-cü ildən etibarən, Monteneqro Azərbaycan turistləri üçün məşhur yay tətil istiqamətlərindən birinə çevrildi. 2015-ci ildən başlayaraq, Monteneqro yay tətili dövründə Azərbaycan vətəndaşları üçün 90 günlük vizasız rejim tətbiq edib.  Bu şərait turistlər üçün çox rahatdır və onları viza almaq üçün vaxt sərf etmək lazım deyildir.

İkinci mühüm amil birbaşa uçuşların mövcudluğudır; Azərbaycan və Monteneqro arasında çarter reysləri bir neçə ildir həyata keçirilmişdir və onların yüksək gəlirliliyi ilə xarakterizə olunur.

Bu gün Monteneqro, bir ölkə tur operatoru olaraq dünyada daha da məşhurlaşır. Monteneqronun möhtəşəm təbiəti, gözəl çimərlikləri, ləziz milli mətbəxi, təmiz mühiti, tarixi və mədəni abidələri vardır. Ölkəmizin bir çox vətəndaşları Monteneqroya səfər edərək, yerli əhalinin dostluq və qonaqpərvərliyini vurğulayaraq, ölkəni yenidən ziyarət etmək arzusunu ifadə edir.

- Monteneqro milli bayramı ərəfəsində arzularınız nədir?

- Monteneqro Balkanın və Adriatik dənizi regionunun ən kiçik ölkələrindən biridir və əhalisi baxımından həm sabit, həm demokratik, həm də çoxmillətli ölkə kimi inkişaf edir. 2017-ci ildən etibarən NATO-nun tam hüquqlu üzvü olub və Avropa İttifaqına üzv olmaq üçün namizəddir. İyulun 13-də Çernoqoriya ən mühüm tarixini qeyd edir; 1878-ci ildə bu tarixi gündə, ölkə Berlin Konqresində müstəqillik qazanmış və dünyanın 27-ci müstəqil dövləti olaraq tanınmışdır. Bu günün simvolizmi 1941-ci il iyulun 13-də Monteneqroda anti-faşist hərəkatının başlanmasına dayanır.

Konsulluq adından Monteneqro rəhbərliyini və xalqını bayram münasibətilə təbrik edirəm və ölkəyə inkişaf və tərəqqi arzulayıram!

Eurasia Diary

• Tag:
• Vüqar Əliyev
• Monteneqro
• fəxri konsul