ABŞ və Hindistan müdafiə sahəsində əməkdaşlıq haqqında razılığa gəlib.
Müdafiə sahəsində əməkdaşlığı artırmaq və kritik məlumat mübadiləsini dərinləşdirmək üçün Baş nazir Narendra Modi və Prezident Co Bayden ABŞ komandanlıqlarına üç Hindistanlı zabitini yerləşdirmək barədə razılığa gəliblər.
Ağ Ev Bayden və Modi arasında keçirilən sammit danışıqlarından sonra bildirib ki, ABŞ və Hindistan iki xalqa müdafiə sahəsində əməkdaşlıqlarını artırmağa imkan verəcək vasitələri işə salmaq üçün addımlar atıblar.
Hindistan və Amerika arasındakı bu razılaşma nəyin əsasında meydana gəldi? İki ölkə arasında münasibətlər gələcəkdə necə inkişaf edəcək?
Beynəlxalq ekspert, Ceymstaun Fondunun idarə heyətinin üzvü və ABŞ-ın Azərbaycandakı keçmiş səfiri Metyu Brayza Ednews-a bildirib ki, ABŞ və Hindistan arasında hərbi əməkdaşlıq son onilliklər ərzində nisbətən aşağı səviyyədə olub:
“Hindistan hərbi potensialının təməlində Rusiyaya və ondan əvvəl Sovet İttifaqına arxalanıb. Birləşmiş Ştatlar və Hindistanın müdafiə sənayesi arasında əməkdaşlıq edən bu razılaşma Hindistan və Birləşmiş Ştatların bir çox məsələlərdə fikir ayrılıqlarına baxmayaraq, Çini cilovlamaq üçün əməkdaşlıqda strateji maraqları olduğunu başa düşmələri baxımından çox əhəmiyyətlidir. Biz Hindistan və Çin arasında müharibədən danışmırıq. Lakin onilliklər ərzində, bildiyimiz kimi, Hindistan və Çin arasında yüksək səviyyədə hərbi gərginlik olub.
Ekspert həmçinin qeyd edib ki, Çin və Hindistan qüvvələri cəmi bir neçə il əvvəl Himalayda toqquşub. Onun sözlərinə görə, keçmişdə Hindistan və Çin arasında hərbi toqquşmalar baş verib.
"Tarixən Hindistan təhlükəsizlik üçün Çindən və əsasən də Rusiyadan uzaqlaşdı. Çin və Pakistan isə birlikdə əməkdaşlıq etdi".
Blinkenin Çinə son səfəri haqqında danışan keçmiş səfir deyib ki, bu, sadəcə olaraq ABŞ və Çin arasındakı gərginliyi azaltmaq cəhdidir:
“Yadda saxlamaq lazım olan daha bir şey odur ki, Çin müəyyən mənada bir-birinə qarşı yönəlmiş kimi görünən iki mühüm ölkə qrupunun üzvüdür:
“Birincisi Hindistan BRİKS-in bir hissəsidir. Bu, Braziliya, Rusiya, Hindistan, Çin və Cənubi Afrikadır ki, Rusiyaya ABŞ və NATO-dakı dostları və müttəfiqlərindən, Yaponiya, Avstraliya və Yeni Zelandiyadan daha çox dəstək verir. Lakin Hindistan həm də ABŞ, Yaponiya, Hindistan və Avstraliyadan ibarət Dördtərəfli Təhlükəsizlik Dialoqunun (QUAD) üzvüdür. O bu və ya digərinə tamamilə qoşulmadığını, xarici siyasətində tarazlıq axtardığını göstərir ki, bu da uzaqgörənlikdir. Hindistan, bildiyimiz kimi, İkinci Dünya Müharibəsindən sonra heç vaxt Birləşmiş Millətlər Təşkilatının Təhlükəsizlik Şurasına daxil edilmədi. Bununla da ölkə beynəlxalq münasibətlərin ən yüksək səviyyəsində olması imkanlarını əldən verdi. İndi həm Rusiya mərkəzli qrupa, həm də ABŞ-a yönəlmiş qrupa mənsub olduğu üçün o, bəlkə də bu strateji masada özünə yer tapmağa çalışır".
Ülviyyə Şahin