Xəbər verdiyimiz kimi Azərbaycan Respublikası Prezidentinin Administrasiyasının təklif etdiyi kimi, Azərbaycan Respublikasının Konstitusiyası və qanunları əsasında reinteqrasiya məsələlərinin müzakirə edilməsi üçün Qarabağın erməni sakinlərinin nümayəndələri ilə 2023-cü il sentyabr 21-də Yevlaxda görüşəcək.

Məsələ ilə bağlı Ednews-a danışan politoloq Turab Rzayev qeyd edib ki, Yevlaxda baş tutacaq görüşdə müzakirə olunacaq 3 əsas mövzu olacaq.

 “Azərbaycan tərəfinin başından bəri bir neçə xüsusi tələbi var idi. 3 tərəfli sülh müqaviləsinə görə erməni silahlı birləşmələri Azərbaycan Respublikasının ərazisini tərk etməlidilər. Lakin ermənilər bu müqaviləyə riayət etmədilər. Sabahki görüşdə Azərbaycan tərəfi bu məsələni yenidən qaldıracaq və silahli birləşmələrin tərk etməsinin faktiki icra edilməsi ilə bağlı  proses danışılacaq.

Digər bir məsələ Azərbaycanın komunikasiyasıdır. Azərbaycan Ağdam, Xankəndi  və digər komunikasiya xəttlərinin açılmasını tələb edirdi.

3-cü məsələ isə reinteqrasiyadır. Azərbaycan tərəfi açıq şəkildə bildirib ki, növbəti iki il ərzində Azərbaycan tərəfi reinteqrasiya prosesini tamamlamaq istəyir. Hazırda isə Azərbaycanın lokal şəraitdə keçirdiyi antiterror tədbirləri nəticəsində qarşı tərəf  buna məcbur oldu və Yevlax görüşündə bu proseslər müzakirə yolu ilə öz həllini tapacaq”. 

Xəyal Ramiz