Son vaxtlar Türk dövlətləri arasında olan yaxınlaşma və isti münasibətlər getdikcə artır. Bununla bağlı Türk dövlətləri arasında həm iqtisadi, həm də siyasi cəhətdən birgə əməkdaşlıqlar intensivləşib.

Türk dövlətləri arasında NATO-da olduğu kimi bir Türk ordusu alyansı qurula bilərmi? Bunun üçün Türk dövlətləri hansi addımlar atmalıdır?

Məsələ ilə bağlı Türk siyasi ekspert Məhəmməd Rəhmanifər Ednews-a açıqlamasında bildirib ki, əgər Türk dövlətləri iqtisadi və ya siyasi birlik qura biliblərsə, demək ki, hərbi təşkilat da qura bilərlər:

“Təbii ki, Turan Ordusu qurula bilər və vurğulamaq istəyirəm ki, Türk dünyasının vahid ordusu qurulmalıdır.

Bunun ilk addımlarını atılmış kimi görə bilərik. Şuşa sazişi, Azərbaycan Türkiyə arasında hərbi paktları əsas olaraq göstərə bilərik. Bu proses Türk dövlətləri üçün bir başlanğıc ola bilər ki, gələcəkdə bu pakta qoşulsunlar. Eyni NATO kimi hərbi Alyansın qurulması heç də xəyal məhsulu deyil.

Hətta qurula biləcək bu hərbi alyans NATO-dan daha yaxşı ola bilər. Çünki NATO-nun içində böyük sıxıntılar var. Məsələn Türkiyənin yeni üzv olmaq istəyən İsveç, Kipr kimi dövlətlərdə problemləri var. Mən düşünürəm ki, Türkiyənin özündə situasiya ilə əlaqədər olaraq vahid Türk ordusunun yaranması fikirlərinə qarşı zehniyyət formalaşıb. Əlbətdə bunun üçün lazım olan resurslar və infrastrukturlar mövcuddur.

Türk Birliyi dövlətlərinin quracaqları hansısa bir hərbi alyansda yaxşı olar ki, hərbi silah sursatların istehsalını özləri etsin. Bu  həm təşkilat üçün  böyük müsbət olar, həm də xaricdən asılılığı azaldar.

Son vaxtlar Türkiyənin bu sferada böyük üstünlüklərini görə bilirik.

Yəni bu işləri türk regionu baxımından daha da genişləndirmək lazımdır”.
Son olaraq ekspert NATO kimi Turan Hərbi İttifaqının qurulması üçün zəminin haır olduğunu qeyd edib.

Xəyal Ramiz