“Rusiya ilə müqayisədə Ermənistan nədir ki? Mövcud olanlardan savayı Kremlə hansı real çətinliklər yarada bilər? Təbii ki, heç nə”.

Bu sözləri rus politoloq Oleq Kuztensov Ednews-a Ermənistanın Baş Naziri Paşinyanın Moskvaya səfəri zamanı qeyd edib. 

O, bildirib ki, Paşinyan əvvəllər Moskvaya gəlməməklə böyük bir səhv etmişdi:

“Xüsusi diplomatlardan başqa, prezident Putinin andiçmə mərasimi kontekstini, bundan sonra Rusiya rəsmilərinin gözlənilən təyinatlarını nəzərə alsaq, Ermənistanın baş nazirinin Moskvaya səfərini heç kimə maraqlı görəcəyini düşünmürəm. Rusiya ilə Ermənistan arasındakı gərginliyə dair suala gəldikdə isə, bu məsələ yoxdur və ola da bilməz - iki ölkə arasında çox fərqli statuslar var. Rusiya ilə müqayisədə Ermənistan nədir ki? Mövcud olanlardan savayı Kremlə hansı real çətinliklər yarada bilər? Bu fakt sözün əsl mənasında başa düşülməlidir. Buna görə də Paşinyan Moskvada ona qarşı kiminsə gərginləşəcəyini, xüsusən də kimisə gərginləşdirməyə qadir olduğunu bəyan edəndə, o, sadəcə daxili auditoriya üçün öz dəyərini nümayiş etdirir”.

Politoloq vurğulayır ki, Paşinyanın Moskvaya səfərinin məqsədi əslində tam fərqlidir:

“Prezidentlər Putin və Əliyevin Cənubi Qafqaz regionuna kimin nəzarət edəcəyi və bunu hansı vasitələrlə həyata keçirəcəyi barədə çoxdan razılığa gəldikləri fikrinə alışmağın vaxtıdır. Paşinyan bundan xəbərdardır və başa düşür ki, Kremlə tərəf gedən bütün demarşlar üçün hələ də Bakı qarşısında cavab verməli olacaq. Sərhəd delimitasiyası məsələsində bunu ona açıq şəkildə göstərdilər. İndi o, Azərbaycan tərəfindən öz xalqının qarşısında alçalmamaq üçün Moskvaya gedir. Əslində, onun səfərinin məqsədi budur”.

Xəyal Ramiz