Türkiyə Respublikasının yaradılmasının 100-cü ildönümünə həsr olunmuş birgə taktiki təlim 23-25 oktyabr tarixlərində Bakı şəhəri, Naxçıvan Muxtar Respublikası və azad edilmiş ərazilərimizdə daxil olmaqla bir neçə istiqamətdə keçiriləcək.Təlimlərə Türkiyənin F-16-ları da cəlb edilib. 

Birgə təlimlərlə ilə bağlı hərbi ekspert Ədalət Verdiyev Ednews-a açıqlamasında vurğulayıb ki, bu təlimlər Fransa üçün xəbərdarlıq olmalıdır:

“Türkiyə ilə Azərbaycan arasında olan münasibətlər o cümlədən hərbi sahədə olan əlaqələr intensiv şəkildə inkişaf edir.

Bu il iki ölkə arasında 16 hərbi təlim planlaşdırılıb ki, onların da əksəriyyəti həyata keçirilib. Hazırda da “Atatürk 2023” hərbi təlimləri davam edir. Azərbaycan  ilə Türkiyənin hərbi sahədə əməkdaşlığı Qafqaz regionunda təhlükəsizliyin və sabitliyin təmin olunması istiqamətində  fəaliyyətlərin gözəl bir nümunəsidir.

“Atatürk 2023” hərbi təlimlərində hər iki qardaş ölkənin xüsusi təyinatlı qüvvələri, hərbi hava qüvvələri, quru qoşunları və komanda birlikləri iştirak edirlər.

Təlimləri həm Bakı şəhəri, həm Naxçıvan Muxtar Respublkası, həm də Qarabağ regionu  olmaqla bir neçə istiqamətdə Azərbaycana qarşı olan qüvvələrə açıq bir siqnal olacaq.

Düşünürəm ki,  Ermənistan Müdafiə Nazirinin silah almaq üçün Fransaya getdiyi bir gündə belə bir təlimlərin keçirilməsi kifayət qədər ciddi bir cavab olacaq. İşğal tarixinə malik bir ölkəyə fərqli məqsədlərlə silah satan Fransa  zəruri və vacib dərsləri çıxarmalıdır.

Hərbi ekspert son olaraq qeyd edir ki,  “Mustafa Kamal Atatürk 2023” təlimləri bir daha Şuşa bəyannaməsinə aid xatırladıcı  bir nümunədir. 

Xəyal Ramiz