İsrail-Həmas qarşıdurması başladığı gündən etibarən ərəb ölkələri məsələyə müəyyən fikir bildirməkdən çəkinirlər. Hətta paylaşılan bir neçə görüntülərdə fələstinlilər Həması dəstəkləmədiklərini də qeyd ediblər.
Bəs Ərəb ölkələri nə üçün HƏMASI dəstəkləməkdən yan dururlar?
Fələstinli siyasi ekspert Xəlil Əl – Asali Ednews – a açıqlamasında deyib ki, HƏMAS qruplaşması heç bir şəkildə Fələstini təmsil etmir:
“Biz HƏMAS - dan israillilərlə bərabər fələstinlilərlə də münasibətdə daha balanslı olmalarını istəyirik. Qeyd edim ki, HƏMAS əslində fələstinliləri təmsil etmir. HƏMAS-da digər qruplaşmalar kimi, müəyyən bir idealogiyanı dəstəkləyirlər. Bəs niyə müharibə Fələstinlilərə qarşı kimi qeyd edilir, HƏMAS-a qarşı yox, deyə soruşursunuzsa, bu medianın informasiya qıtlığı yaşamasından irəli gəlir. HƏMAS və Fələstin tamamilə bir-birindən ayrıdırlar. Bu hadisə uzun keçmiş tarixinə malikdir. Fələstinlilərin HƏMAS – dan fərqli olaraq dünyadan xahiş etdikləri budur ki, bizə sadəcə bir obyekt kimi, düşmən kimi, heyvan kimi baxılmamasıdır öldürülməlidir”.
Ekspert söyləyib ki, ərəb ölkələrin dəstək verməməsinin səbəbi, HƏMAS – ın hazırda yürütdüyü siyasətdir. O, hesab edir ki, regiondakı bütün ölkələr münaqişənin regiona sıçramasında qorxurlar.
“Ərəb Liqası və ya ərəb ölkələri heç vaxt fələstinliləri qətiyyən dəstəkləmək fikrində olmayıblar. Hazırda HƏMAS-ı da dəstəkləmirlər, çünki HƏMAS dini təşkilatdır. Hazırda olan proseslər, onların nifrət etdikləri siyasətin dini versiyasıdır. Lakin oktyabrın 7-də baş verənlər, bir çox ərəb ölkələrinin İsraillə başladığı normallaşma prosesinin məhvinə səbəb olacaq. Qəzzada müharibə davam edir və çox sayda insan ölür, buna görə də ərəblər rəsmi olaraq kömək etmək istəmirlər.
Məncə, Qəzzada baş verənlər böyük təsir göstərəcək və təkcə Qəzzada və ya regionda deyil, ərəb dünyasınnı xəritəsini dəyişəcək. Bu, bir çox dəyişikliyin sadəcə başlanğıcdır. Əgər İsrail ordusu Qəzzaya girərsə, biz fərqli bir mərhələyə daxil olacayıq. Bir çox ərəb rejimləri də bundan qorxur. Buna görə də onlar israillilərin bacardıqları qədər dayanmalarını və ya heç olmasa HƏMAS-ı bacardıqları qədər tez məhv etmələrini istəyirlər Regionda baş verə biləcək dramatik dəyişikliklilrə görə amerikalılar buradadırlar. Onlar Qəzaya İsrail və İsrail olmadan necə daxil ola biləcəkləri ehtimalını hesablayırlar ki, region və ətrafındakı vəziyyəti sakitləşdirsin. Biz həqiqətən tarixi bir məqama şahidlik edirik”, - deyə o, sonda qeyd edib.
Əkbər Novruz