İran yaxın saatlarda ABŞ-ın Yaxın Şərqdəki hərbi qüvvələrinə hücum edəcək.

Bu barədə CNN ABŞ kəşfiyyatına istinadən məlumat yayıb.

ABŞ – ın  məqsədi Amerikanın maraqlarına, İsrailə və müəyyən dərəcədə ərəb müttəfiqlərinə qarşı hücumların qarşısını almaqdır. 

ABŞ və İran arasında münaqişə çıxa bilərmi?  ABŞ illər sonra Yaxın Şərqə müdaxilə etməyə hazırlaşırmı?

Siyasi ekspert, Azərbaycan-ABŞ İqtisadiyyat və Təhsil Şurasının təsisçisi və baş direktoru, BAMF-ın ABŞ-dakı nümayəndəsi Piter Teys Ednews – a açıqlamasında ilk olaraq deyib ki, ABŞ davam edən döyüşlər fonunda 2024 – cü ilə qədər Yaxın Şərq regionunda təkrar öz hərbi mövcudluğunu artırmağı planlaşdırır.

“Prezident Baydenin İran və onun yaxın Şərq regionunda müvəkkil qüvvələrinin başçılıq etdiyi son eskalasiya və təxribatlarla bağlı göstərişinə əsasən, Pentaqon regionda mövqeyini daha da gücləndirmək üçün bir sıra əlavə addımlar atıb. Müdafiə naziri Lloyd Ostin də bununla bağlı: "Bu addımlar region ölkələrinin bir – birilərinə müdaxilə etməsinin qarşısını alacaq, bölgədəki ABŞ qüvvələri gücünü artıracaq və İsrailin müdafiəsinə kömək edəcək”, - deyə qeyd edib”. 

Ekspert həmçinin qeyd edib ki, baş verən hadisələr həmçinin kəşfiyyatın uğursuzluğudur. Onun fikirlərinə görə İranın regionda çox güclü “müqavimət oxu” var və ABŞ isə bütün yardımlara rəğmən əraziyə müdaxilə etməkdə çətinlik çəkir.

Şərqi Aralıq dənizindəki ABŞ Hərbi Dəniz Qüvvələrinin, Təyyarə Daşıyıcı Qrupları orada nə qədər mövcud olsa da, dəqiq zərbələr endirə biləcəkləri qədər kəşfiyyat məlumatları yoxdur. İsrail və Yaxın Şərqin görkəmli alimi Dr.Daniel Pipsin yazdığı kimi: “Bütün hesabatlar böyük bir kəşfiyyat uğursuzluğunun baş verdiyini təsdiqləyir”. İranın bölgədə bir neçə əhatə dairəsində saxladığı aktoraları (müqavimət oxu) var. Lakin ABŞ Kəşfiyyat birliyinin ərazidə çox az iştirakı var. İsrail və HƏMAS arasında mövcud silahlı münaqişə Vaşinqtonu çox əlverişsiz vəziyyətə salıb. Birləşmiş Ştatlar Qüvvələri hər iki tərəfdən günahsız insanların daha çox itkisinin qarşısını almaq digər ərəb dövlətləri, xüsusən İordaniya və Qətər dövləti ilə daha çox əlaqə saxlamalıdır”.

“Bəs ABŞ ümumiyyətlə münaqişəyə sürüklənə bilərmi?” sualına, amerikalı ekspert hazırki adminstrasiya ilə bunun çətin olacağı cavabını verib:

“Aydındır ki, Vaşinqton 2021-ci ilin iyun-iyul aylarında Əfqanıstanı tərk etməzdən əvvəl son həftələr ərzində qeyri-dəqiq hərbi kəşfiyyat hesabatları götürüb. Vaşinqton milli seçkiyə bağlı konqres ilə idarə edilir. Ona görə də, Bayden - Harris administrasiyası hər iki tərəfə kömək etmək üçün Yaxın Şərqə ABŞ qoşunlarını göndərməkdən çəkinir.

Əkbər Novruz