"ABŞ-da prezidentlik yarışı, şübhəsiz ki, balanslı şəkildə aparılır".
Bunu Ednews-a irlandiyalı tarixçi və siyasi analitik, Britaniya, Türkiyə və Cənubi Qafqaz üzrə kitabların müəllifi, doktor Patrik Uolş Trampın “Sülhü güc hesabına bərpa edəcəm” açıqlamasını şərh edərkən deyib. Amma eyni zamanda Trampın növbəti prezident seçkilərində qalib gələcəyi ilə bağlı iddialar da var. Çünki İsrail onun daha çox qalib gəlməsini istəyir. Trampın 2016-cı il “Barış planı” təkrarlaya biləcəyinə ümid var.
Siyasi ekspertin fikrincə, Bayden “əbədi müharibələrə” son qoyacağı vədini vermişdi, lakin görünür ki, onun prezidentliyi dövründə müharibələr davamlı olaraq aparılır və dünya daha təhlükəli bir yerə çevrilib:
"Tramp yaddaşlarda ABŞ-ı yeni münaqişələrə cəlb etməyən yeganə prezident kimi görünür. Bayden fələstinlilərin əzablarına rəğbətlə yanaşan demokratların solundan olan seçicilərin itkisindən əziyyət çəkə bilər. Əgər bu hissə səs verməsə, Hilari Klintona səs verilmədiyi üçün Trampın şansı artır.Tramp ABŞ-ın regionda gələcək iştirakını minimuma endirmək üçün səudiyyəliləri İsraillə barışdırmaq strategiyasını tətbiq edib.
Lakin Bayden Ukrayna ilə məşğul olduğu üçün bu siyasəti həyata keçirə bilmədi. Ceyk Sullivan Xarici İşlərdə Baydenin Yaxın Şərqə sülh gətirdiyi ilə öyünürdü. Lakin bu, indi gülünc görünür və Tramp gələn il prezidentliyə namizədliyini irəli sürmək üçün ikinci təklifində şübhəsiz ki, xilaskar rolunu oynayacaq”, - deyə P.Uolş yekunda vurğulayıb.
Ülviyyə Şahin