‘’Hansısa səfir hardasa sayaqlayacaqsa o dövlətin yox Sübhaninin şəxsi fikiridir”.
Bu fikirləri Ednews-a açıqlamasında siyasi analitik Cümşüd Nuriyev İranın Ermənistadakı səfirinin Azərbaycan haqqında səsləndirdiyi qərəzli fikirlərini şərh edərkən bildirib.
“İran Prezidenti Azərbaycanın suveren ərazilərinin bütövlüyünə hörmətlə yanaşdığını bildirərək ölkəmizlə əməkdaşlığın genişləndirilməsinə sadiq olduğunu bir daha ifadə etməsindən bir gün sonra Ermənistandakı səfir Mehdi Sübhani tamamilə fərqli mövqe nümayiş etdirib. İran bir tiakratik dövlətdir. Orada ölkə prezidentindən çox dini liderlərin dediyi sözlərə baxırlar.Amma səfirləri prezidentlər təyin edir. İranın İrəvandakı səfiri Sübhani açıq desək biraz səfehləyib. Çünki bu İranın mövqeyi deyil. Mən inanmıram ki, o təmiz iranlı olsun, bunun nəsə erməni ilə ya qohumluğu, ya da qarışığı var. Bir növ Ermənistanın İranda itirilmiş mövqeyinin bərpa eləmə xidməti kimi görürəm. Artıq Azərbaycanla İran arasında razılaşma var. Həmin Zəngəzurun yerinə biz İranla gediş-gəlişi bərpa edəcəyik. Cəmi 2 körpüdü və 8 km yol fərqi var. Bu Azərbaycana heç bir problem yaratmır. Bizim üçün İran daha sərfəli daha yaxşıdır. İşğal müddətində Naxçıvana iran üzərindən gedib gəlirdik. Müəyyən gərginliyimiz olub. Amma heç bir dövlətlər axıra kimi düşmən olmurlar. Hazırda bizim İranla münasibətlərimiz gərgin deyil, istiləşmə mövqeyindədir. Belə bir şəraitdə Azərbaycan mediasında Iranla bağlı kəskin fikir söyləmək doğru olmaz. Hamının səhvi olur və zamanla yanlışlıqlar düzəlir. Bunu İranın dövlət səviyyəsində Rəisi söyləyüb. Bu iranın mövqeyidir”.
Ekspert sonda qeyd edib ki, bununla bağlı Azərbaycan tərəfi İrana nota verə bilər.
“Yəqin ki, parlamentdə də bu məsələ müzakirə olunacaq. Bu adamın ola bilər ki, Ermənistan da hansıısa maddi marağı var. Əks halda öz dövlətinə qarşı belə çıxış etməzdi. Ancaq bütün hallarda bu İranın mövqeyi deyil, Sübhaninin öz fikridir. Ona görə də əhəmiyyət vermək lazım deyil’’.
Afaq Qurbanzadə
