Müstəqil Dövlətlər Birliyi (MDB)  8 dekabr 1991-ci ildə Minsk şəhərində imzalanan Müstəqil Dövlətlər Birliyinin yaradılmasına dair Saziş əsasında təsis edilib.  

Azərbaycan  isə MDB-nin əsas üzvlərindən biridir. Lakin Qərb MDB-ni SSRİ-nin siyası davamı kimi görür.  
Azərbaycanın MDB ilə olan münasibətləri necədir?

Gələcəkdə  ölkəmizin bu təşkilatdan çıxma ehtimalı  varmı? Olduğu təqdirdə  mənfi və müsbət cəhətlər ola bilərmi?

Mövzu ilə bağlı politoloq Tural İsmayılov Ednews-a açıqlaması zamanı bildirib ki, Prezident İlham Əliyev MDB-nin birgə konfranslarında xüsusilə iştirak edib:

“Qələbə qazanan ölkənin başçısı kimi digər MDB üzvlərinində konfransda İlham Əliyevi necə rəğbətlə qarşıladığını görürük. MDB-dən əlavə bir çox təşkilatlarda  dövlətlərlə inteqrasiya modeli çərçivəsində əməkdaşlıq qurulmağı Azərbaycanın əsas xarici siyasətinə uyğundur.

Azərbaycan daim MDB-nin işlərindən yaxından iştirak edir. Bütövlükdə Azərbaycanın yerləşdiyi coğrafi lokasiyanı nəzərə aldıqda MDB tərkibində bir sıra lahiyələrdə iştirak etməyi strateji xüsusiyyət daşıyır. Düşünmürəm ki, Azərbaycan yaxın gələcəkdə hansısa bir yolla bu təşkilatdan uzaqlaşsın.

Çünki bunun üçün  heç bir zərurət və ehtiyyac yoxdur. Hazırda Azərbaycanın MDB tərkibində təmsil olunmağı Azərbaycanın iqtisadi  və siyasi maraqlarına tam adekvatdır və cavab verir . Bu baxımdan Azərbaycanın siyasətində MDB-nin təsiri olmasa da, əksi olaraq MDB-nin formalaşmağında və inkişafında  çox böyük rolu var”. 

Son olaraq politoloq qeyd edib ki, hazırki proseslərə nəzərə alsaq, Azərbaycanın MDB-dən çıxması ümumiyyətlə proqnozlaşdırılmayıbdır:

“Bəllidir ki, Azərbaycanın olmadığı təqdirdə təşkilatın  Avrasiya İqtisadi Birliyinə bənzəməsi ehtimalı var. O zamanda ikinci bir təşkilatın olmağına ehtiyyac qalmır. Ona görə Azərbaycan iqtisadi və siyasi potensialı ilə MDB-də qalmaqla ona hər baxımdan töhvə verir və qarşılıq olaraq siyasi dividentlərin əldə olunmasına gətirib çıxarır”.

Xəyal Ramiz