Azərbaycanda Avropa Yenidənqurma və İnkişaf Bankı ilə (AYİB) İqtisadiyyat Nazirliyi arasında COP29-a hazırlıq çərçivəsində görülən işlərə dair müzakirələr aparılıb. AYİB nümayəndəliyi Bakıda dəniz turizminin inkişaf etdirilməsinin vacib olduğunu vurğulayıb.
Xəzər dənizində bu saha üzrə hansı işlər aparılacaq?
Bununla bağlı Ednews-a açıqlama verən iqtisadi ekspert Emin Qəribli bildirib ki, Bakıda turizmi daha daha inkişaf etdirmək üçün Xəzər dənizindən istifadə oluna bilər.
“COP29-un Azərbaycanda keçirilməsi üçün demək olar ki, paytaxtımızda əsas turizm imkanları mövcuddur. İqtisadiyyat naziri Mikayıl Cabbarov Avropa Yenidənqurma və İnkişaf Bankını nümayəndələri arasında keçirilən görüşdə Azərbaycanın dəniz nəqliyyatının potensialı müzakirə olunub. Əslində bu gün Bakıda dəniz nəqliyyatı təbii bir təlabatdır. Böyük ehtimalla turistlər Xəzər dənizində səfərlərə çıxmaqda kimi imkanlardan yararlana bilərlər. Bu haqda indiyə kimi bir çox layihələr olsa da, onların heç biri gəlir mənbəyinə çevrilməyib. Buna görə də, Azərbaycan Xəzər Dəniz Gəmiçiliyi (ACSO) AYİB ilə əməkdaşlığa başlayıb. Əldə olunan razılığa görə ASCO-nun yeni turizm məqsədli gəmilər alması gözlənilir. Başlanğıc olaraq Azərbaycan 2 ədəd turizm gəmisi alıb”.
Ekspertin sözlərinə görə, bu layihə sonradan paytaxtla digər regionlar arasında genişləndirilə bilər.
“Gəmiçilik sənayesi ümumiyyətlə Azərbaycanda əsasən yük daşınması üzrə fəaliyyət göstərir. Azərbaycanın Xəzəryanı şimal və cənub regionları arasında gəmiçilik yük daşınması üstünlük təşkil edir. Əgər gəmiçilik turizm ilə birləşdirilərsə, o zaman bu sahənin iqtisadiyyata faydasını görə bilərik. Belə görünür ki, bundan sonra ölkədə turistlərin sayı dah da artacaq. Düşünürəm ki, Azərbaycanın təbii relyefinin verdiyi imkanlardan hələ ki, tam şəkildə istifadə etimirik. Elə həmin görüşdə İqtisadiyyat Nazirinin də bildirdiyi kimi ASCO gələcəkdə öz fəaliyyətini digər sektorlara da yönləndirməlidir”.
Fərid