Ekspertlərin fikrincə, Tramp yenidən hakimiyyətə qayıdarsa, Ukraynanı Rusiya ilə müharibəni dayandırmaq üçün danışıqlara sövq edə bilər. Trampın müşavirlərindən biri deyib ki, ABŞ-ın Kiyevə hərbi yardımı azaltmaq vədi Ukraynanı çətin vəziyyətə salacaq.
Trampın hakimiyyətə gəlməsi təqdirdə dünya da və ABŞ-da nələr dəyişə bilər?
Mövzu ilə bağlı politoloq Turab Rzayev Ednews-a açıqlaması zamanı bildirib ki, Trampın həmişə Rusiyaya baxışı digərlərindən fərqlənib:
“Ümumiyyətlə respublikaçılar partiyası Rusiya münasibətlərdə fərqləniblər. Qlobal miqyasda Sovet İttifaqının çökdürülməsi, onun Yaxın Şərqdəki müttəfiqlərinə qarşı hücumlar edilməsi, bütün bunlar respublikaçı Corc Buşun vaxtında həyata keçirilib. Ancaq nəzərə almaq lazımdır ki, xristian fundamentalistlər var.
Onlar Rusiyanı xristian Avropa mədəniyyətinin bir hissəsi kimi görürlər. Ona görədə respublikçılar Rusiyanı tam çökdürməyin əleyhinədir. Rusiyaya qarşı daha mülayim siyasət yeridərək əsas problemin Çin olduğunu göstərmək istəyirlər. Məhz Trampın prezident seçilməsi halında Rusiyaya qarşı münasibətlər yumşalacaq.
Məsələn ABŞ-ın Ukrayna verdiyi hərbi yardımlar və silah-sursat azalacaq. Hətta ABŞ Ukraynanı Rusiya ilə barışmağa və ya atəşkəs elan etməyə məcbur edə bilər. Eyni zamanda ABŞ Rusiyaya yaradılmış təzyiqin İranı, Çini və digər geosiyasi rəqiblərini zəiflətmək üçün cəmləyəcək”.
Politoloq həmçinin vurğulayır ki, ABŞ daxilində belə böyük bir parçalanma var. Onun sözlərinə görə hətta Tramp hakimiyyətə gəlməsə belə böyük ehtimal ki, Rusiya ilə olan münasibət dəyişəcək.
Bu seçki prosesində yalnız partiya arasında yox seçicilər arasında da fikir ayrılığı böyükdür.
Kaliforniya kimi liberal ştatlar daha çox liberilizmin, miqrant hüquqlarının qorunması, etnik azlıqların haqqlarını dəstəkləyirsə, Texas kimi ştatlar tamamilə bunun əleyhinədir. Məsələn Co Bayden höküməti sərhədlərin təhlükəsizliyi ilə bağlı tikilən hasarların aradan qaldırılması ilə bağlı göstəriş verib.
Lakin Texas ştatı buna əməl etmir və yerli polis sərhədləri qorumağa əməl edir. Yalnız Texas deyil ümumi olaraq 29 ştat Texasın yaydığı deklerasiyanı dəstəkləyirlər. Bütün bunlar onu göstərir ki, demokratlar partiyasının gücü bir çox ştatlarda xeyli azalıb”.
Xəyal Ramiz
