“Azərbaycan rəhbərliyi islamafobiya və mədəniyyətin təbliği kimi beynəlxalq məsələlərə böyük töhfələr verir”.
Bu fikirləri Ednews-a müsahibəsində Pakistan-Azərbaycan Məzunları Assosiasiyasının prezidenti, həmçinin Dayanıqlı İnkişaf üçün Bir Kəmər və Yol Təşəbbüsünün (BRISD) prezidenti Kayser Navab söyləyib.
“Zənnimcə, Azərbaycan islamofibiya ilə mübarizə hərəkatının təşviqində mühüm rol oynayıb və COVID-19 pandemiyası zamanı bir sıra fəaliyyətlərə təşəbbüs göstərərək ölkəyə beynəlxalq forumda daha çox tanınma qazandırıb. Düşünürəm ki, Azərbaycan rəhbərliyi islamafobiya və mədəniyyətin təbliği kimi beynəlxalq məsələlərə böyük töhfələr verir. Hesab edirəm ki, dünyanın dayanıqlı inkişaf məqsədləri ilə bağlı bir çox problemlərlə üzləşdiyi müasir dünyada Azərbaycanın baxışı vacibdir. İslamofobiya, irqçilik kimi bəşəriyyətin yaratdığı problemləri aradan qaldırmalıyıq”.
Mövcud dünya sistemini də dəyərləndirən həmsöhbətimiz hesab edir ki, mövcud beynəlxalq sistem artıq süqut edib və yeni platformanın vacibliyi görünür.
“Dünya artıq çoxqütblü dünya ola bilməz. Çünki biz bir-birimizdən daha çox asılıyıq və dünya indi bir-birinə bağlıdır. Biz bir-birimizlə daha çox bağlı olmalıyıq, başqalarının inanclarını tanımalı və hörmət etməliyik, ayrı-seçkiliyi aradan qaldırmalıyıq. Çoxqütblü dünyaya bölünməkdənsə, vahid platformada olmalıyıq. Birləşmiş Millətlər Təşkilatı kimi çoxtərəfli təşkilatlar beynəlxalq qanunlara və qaydalara hörmət etməlidirlər və Azərbaycan kimi ölkələr öz regionlarında öz rollarını oynamalıdırlar. Qarabağda, Ukraynada və Qəzzada baş verən proseslər mövcud sistemin süqut etdiyini göstərir. Heç bir tərəf artıq buradan yararlana bilmir”.
Əkbər Novruz