“Brüssel zirvəsinə önəmli bir cavab kimi Türkiyə və Azərbaycanın başçılığı altında zirvəyə qarşı deklerasiya hazırlanması vacibdir”.

Bu sözləri Türkiyəli politoloq İsmail Cingöz Ednews-a açıqlaması zamanı qeyd edib.
O, daha sonra bildirib ki, Azərbaycanın zirvədə iştirak etməməsi onların niyyətini açıq aşkar ortaya çıxarır:

“Ermənistan, ABŞ və Avropa İttifaqı Brüsseldə bir araya gələrək Ermənistanın hər iki tərəflə olan münasibətlərini tənzimləmək adı altında fərqli siyasət aparmağa çalışırlar. Görüşdə əsas məsələ Türkiyəyə qarşı Qafqazda siyasət yürütməkdir. Əgər neytral mövqedən iştirak etsəydilər, Ermənistanında yanında ən azından Azərbaycanında yer alması vacib idi. Cənubi Qafqaz hazırda kritik bir dönəmdədir. Ermənistanın Azərbaycanla olan sülh proseduru davam edərkən bu cür konfrans Qafqaz üçün sülhdən daha çox gərginlik gətirir.  Eyni zamanda Qərb Ermənistanı silahlandıraraq və beynəlxalq konfranslara çağıraraq mənasız yerə cəsarətləndirir. Zənzəgur dəhlizi kimi önəmli bir məsələnin təxirə salınması isə ayrı bir problemdir. Bundan başqa Ermənistan və Rusiya arasında olan gərginlik gündən-günə artmaqdadır”. 

Politoloq düşünür ki, bu görüş Cənubi Qafqaza sülh gətirməməklə birgə Rusiyanıda qəzəbləndirə bilər:

“Ermənistanı silahlandırmaya çalışan Yunanistan və Fransanında Avropa  İttifaqı üzvü olduğuna  və NATO-nun əsas ölkəsi olan ABŞ-ın da konfransda iştirakına diqqət etsək, nəticə olaraq deyə bilərikki, qarşı tərəf Ermənistana tam dəstəyini göstərir. NATO və Qafqaz ölkəsi olan Türkiyənin bu zirvə görüşündən uzaq tutuması qəbuledilməzdir. Yəni Qafqaz coğrafiyası hazırda ən həssas dövrlərini yaşayır. Qafqazda yaşanan hadisələr təkcə Ermənistan, Azərbaycan, İran, Rusiyanı yox Orta Asiya ilə birgə  bütün Avropanı əlaqələndirir. 3-cü Dünya Müharibəsinin ayaq səslərinin eşidildiyi dövrdə bu zirvənin təşkili əlavə münaqişələrdən başqa heçnə gətirməyəcək”.

Xəyal Ramiz