İranın İsrailə hücumu bütün aspektlərləri ilə böyük idi. İran tarixində ilk dəfə olaraq Tel-Əviv hökümətinə öz proksi qüvvələri ilə deyil, birbaşa özü hücum etdi. CNN-də paylaşılan son məlumata əsasən, İsrailin müharibə kabineti cavabın gələcəyini lakin, bunun nə zaman olacağını isə planlaşdırıldığı deyilir.
Bəs bu şəraitdə hücum bir regional müharibəyə çevrilə bilərmi?
İsrailli siyasi ekspert və prof. Dr. Eytan Kohen Yanarocak Ednews-a açıqlamasında gərginliyi hərtərəfli təhlil edərək, İranın son hücumu və onun region üçün təsirlərinə işıq salıb. Onun fikirlərinə görə, bu münaqişə İsrail müdafiə sistemlərinin gücünü göstərdi.
“İki gün əvvəl İran ümumilikdə 331 ballistik raket, qanadlı raketlər və kamikadze pilotsuz uçuş aparatları ilə İsrailə genişmiqyaslı hücum edib və bu gərginliyin yüksək səviyyəyə qalxdığının göstəricisidir. Müttəfiqlərinin dəstəyi ilə İsrail xüsusilə İordaniya hava məkanını İsrail döyüş təyyarələrinə açması sayəsində strateji dərinlik əldə etdi və müttəfiqlərinin köməyi ilə havadakı İran təhdidlərinin 99%-i uğurla məhv edildi. Şübhəsiz ki, bu, anti-İsrail və anti-İran blokunun böyük qələbəsidir. Nəzərə almaq lazımdır ki, belə yüksək müdafiə qabiliyyətinə malik olan bir dövlətin hücum zamanı vura biləcəyi ziyan da eyni dərəcədə böyük olacaq. İsrailin hava hücumundan müdafiəsi inkişaf etdiyini görürük, lakin eyni sözləri İran üçün deyə bilmərik”.
Ekspertin fikirlərinə görə mümkün bir müharibə olacağı təqdirdə burada ən böyük zərəri İran görəcək:
“Strateji və hərbi üstünlük tamamilə İsrailin xeyrinə olsa da, İsrail hökuməti Amerikanın təzyiqi nəticəsində indiki mərhələdə qisas almaq hüququnu özündə saxlayacağını bəyan edib. Bu, İsrail vətəndaşlarının raket hücumlarına məruz qaldığı ilk hadisə deyil. Lakin İrandan gələn bu hücum təbii ki, bir ilkdir. Hücumun qarşısı alınmaqla, İranın israillilərin gözündə bütün qorxdurucu qüvvəsi məhv edildi. İran artıq əvvəlki kimi qorxulacaq bir dövlət deyil. Yüksək texnoloji müdafiə və hücum imkanları və ən əsası müttəfiqləri ilə İsrail dost və düşmənlərinə İrandan qat-qat güclü dövlət olduğunu sübut etdi. Mümkün hərtərəfli müharibədə böyük zərər görəcək tərəf İsrail deyil, İrandır”.
Əkbər Novruz
