Nika Çitadze, Beynəlxalq Qara Dəniz Universitetinin baş analitikidir. "Eurasia Diary"yə Gürcüstanda seçkilərin birinci mərhələsi ilə bağlı şəxsi təhlil və müşahidələrindən danışıb.
Eurasia Diary: Gürcüstanda keçirilən sonuncu seçkiləri necə qiymətləndirirsiniz? Seçkilərə nəzarət edən beynəlxalq müşahidəçilər çox idi və onlar bu seçki barəsində qarışıq şərhlər veriblər. Ona görə də, bu barədə sizin fikirlərinizi bilmək istəyərdik.
Nika Çitadze:Mənim fikrimcə, burada əsas problemlərdən biri ondan ibarətdir ki, Gürcüstan vətəndaşlarının yalnız 51 faizi 2016-cı il prezident seçkilərində iştirak edib. Oktyabrın 22-də keçirilən seçkilərdə iştirak edən seçicilərin sayı əvvəlki parlament seçkiləri ilə müqayisədə ən azı 10% aşağıdır. Bu seçkilərdə iştirak edən partiyalar az idi. 2016 seçkilərində yalnız iki siyasi partiya iştirak edirdi. Onlardan yalnız 5 nəfəri seçkilərdə təmsilçi idi. Bu seçkilərdə iki əsas siyasi partiya iştirak edib. Eyni zamanda hakim partiya konstitusiyada da çoxluq təşkil etmə şansı qazanacaq. Əgər ikinci müddətdə də çoxluq qazanan partiya qalib gələrsə, hakim partiyanın namizədləri qalib gələcək. Bu hal da, ölkədə demokratiyanın inkişafına müsbət təsir göstərəcək.
Eurasia Diary: Siz, hazırda hakim partiyanın yenə də hakimiyyətdə qalacağına inanırsınız?
Nika Çitadze: Bəli, əlbəttə ki indiki hakim partiya "Gürcü Arzusu" yenə də hakimiyyətdə olacaq və məncə onların yeni parlamentdə Gürcüstanın Baş Naziri də daxil olmaqla bütün dövlət vəzifələrini tutmaq şansı var. Hakim partiya parlamenti formalaşdıracaq və Gürcüstan konstitusiyasında müəyyən dəyişikliklər edə biləcək.
Eurasia Diary: Baş Nazir haqqında nə düşünürsünüz? Sizcə namizəd kim olacaq?
Nika Çitadze: İxtisasca İqtisadçı olan Çikaqo Universitetində magistr dərəcəsi almış Georgi Kvirikaşvili. Çox güman ki, Georgi Kvirikaşvili yenidən Gürcüstanın Baş Naziri olacaq.
Eurasia Diary: Vahid Milli Hərəkat (VMH) Partiyasının seçkilərdə səs faizi nə qədərdir?
Nika Çitadze: Onlar 27.14 faiz səs alıb.
Eurasia Diary: Sizcə, seçkilər şəffaf və beynəlxalq standartlara uyğun keçirilib və müşahidəçilər seçkidən razı qaldılar?
Nika Çitadze: Bununla əlaqədar bəzi problemlər var idi. Bəli, seçki və seçki prosedurları bəlkə də regionlarda normal aparıldı, amma biz səsvermədə bəzi qanun pozuntuları gördük. Eyni zamanda müxtəlif partiyalar, seçkilərə qədər müəyyən vəsait alıb və hakim partiya bu məsələdə ən yaxşı şərtlərə malik idi. Ona görə də, onlar bu qədər seçki kampaniyaları keçiriblər. Hər halda, müşahidəçilərin əksəriyyəti bildirib ki, seçki normal və demokratik keçib, amma biz,bəzi qayda pozuntuları müşahidə etdik.
Eurasia Diary: Gürcüstan xalqı hazırkı iqtidar partiyasına və baş nazirə etimad göstərir. Sizcə, bu dəfə onlar ictimaiyyətdən daha çox inam və etimad ala bildilər?
Nika Çitadze: Açığını deyim ki, hakim partiya seçkiyə gələn seçicilərin yalnız 50 faizini təşkil edir. Yalnız yarısı 48 faizi hakim partiyaya səs verir. Beləliklə, biz deyə bilərik ki, daha az fəallıq müşahidə olundu və Gürcü Arzusu tərəfdarları bu gün daha üstün idilər.
Eurasia Diary: Onlar təkbaşına hökumət formalaşdırmaq üçün nə qədər çoxluğa malikdirlər və ya hansısa koalisiya tərəfdaşları yaradacaqlar?
Nika Çitadze: Onların indi koalisiya tərəfdaşları yoxdur. Hakim partiya indi tək partiyadır. Onların digər partiyalarla koalisiya yaratmağına ehtiyac yoxdur.
Eurasia Diary: Onlardan neçə millət vəkili seçilib, seçkilərdə uğur qazanıb?
Nika Çitadze: Bu gün çoxluğun payı təxminən 70 yerdir və ancaq əgər onlar ikinci müddətdən sonar 50 seçki dairəsində keçirəcəyimiz seçkilərdə də qazanarlarsa, mən hesab edirəm ki, onlar Gürcüstan parlamentində 100-dən çox yerə sahib olacaqdır. Əgər onlar parlamentdə 100-dən çox mandat qazansalar bu halda onlardan seçilən millət vəkili çoxluq təşkil edəcək.
Tərcümə:Vüsalə Əlövsətqızı