Meksika səfiri Qəbələyə səfər etdi | Eurasia Diary - ednews.net

21 Oktyabr, Bazar ertəsi


Meksika səfiri Qəbələyə səfər etdi

Siyasət A- A A+

İyunun 14-də Meksika səfəri Qəbələdə səfərdə olub. Eurasia Diary-nin xəbərinə görə, ikitərəfli əməkdaşlığın perspektivlərini nəzərdən keçirmək məqsədilə, səfər çərçivəsində Qəbələ Rayon İcra Hakimiyyətinin başçısı Səbuhi Abdullayev ilə görüş keçirilib.

Rayon İcra Hakimiyyətinin başçısı Meksika səfirini qəbul etməkdən məmnunluğunu ifadə etdi. Rayon haqqında ümumi məlumat, onun iqtisadi və turistik potensialından xəbər verdi. Həmçinin, qeyd etdi ki, Qəbələ yerli və beynəlxalq tədbirlərin keçirməsi ilə daha da tanınmışdır.

Öz növbəsində, səfir Labardini Qəbələyə bir neçə dəfə müxtəlif məqsədlərlə gəldiyini vurğulayıb. Bu xüsusda, qeyd etdi ki, buraya rəsmi səfərlər çərçivəsində, eyni zamanda, bu rayonda baş tutmuş mədəni tədbirlərdə Səfirliyin iştiraki ilə əlaqədar səfər etmişdir. Meksikalı rəssam Marqarita Moralesin Qəbələdə keçirdiyi sərgisinin uğurunu bir daha yada salıb.

Bundan əlavə, tərəflər əlaqələrin genişlənməsi perspektivlərini nəzərdən keçiriblər. Qəbələnin turistik imkanlarını nəzərə alan səfir Labardini, Meksika ilə Azərbaycan arasında turizmin dinamik artımı barədə məlumat verib. Qeyd edib ki, son iki il ərzində Azərbaycandan Meksikaya üz tutan turistlərin sayı 20% artmışdır. Diplomat ikitərəfli münasibətlər üçün böyük imkanlar açan sahə olan turizmin böyük potensialından söz açıb.

Görüşdə, həmçinin, ölkənin regionlarında Meksika mədəniyyətini təşviq etmək məqsədilə, Səfirliyin bir sıra mədəni tədbirlərinin Qəbələdə mümkün həyata keçirilməsi müzakirə olunub.

 

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...