“Qarabağ”ın oyununda erməni təxribatına reaksiya - FOTO | Eurasia Diary - ednews.net

15 Dekabr,


“Qarabağ”ın oyununda erməni təxribatına reaksiya - FOTO

Siyasət A- A A+

Lüksemburqun Milli Təhlükəsizlik naziri Fransua Bauş yerli parlamentin millət vəkilləri Nansi Kemp-Arendt və Pol Qalenin sorğusuna cavab verib.

5minutes.rtl.lu saytının xəbərinə görə, nazir Lüksemburq polisinin UEFA tərəfindən oktyabrın 3-də Jozi Bartel adına stadionda baş tutan “F91 Düdelanj” – “Qarabağ” matçda xüsusi təhlükəsizlik tədbirlərinin görülməsi barədə məlumatlandırılmadığını bildirib:

“Biz oyunda dinc azarkeşlərin olacağını gözləyirdik. Həmçinin, görüş zamanı stadionun üzərində dronun uçma ehtimalı barədə də heç bir xəbərdarlıq edilməmişdi. Üzərində erməni separatçılarının bayrağı asılan dron stadion üzərində uçan zaman vəziyyətin kəskinləşəcəyi ehtimal edildikdə, 30 agent dərhal əlavə dəstək üçün çağırıldı.

Dron və onu idarə edənlər tapılmadı. Nəzarət kameralarının görüntülərinin keyfiyyəti aşağı olduğu üçün oradan da heç bir nəticə əldə edilmədi”. 

Fransua Bauş onu da bildirib ki, araşdırma davam etdirilir və bu barədə yaxın həftələrdə məlumat veriləcək.

 

Xatırladaq ki, həmin matçda “Qarabağ” 4:1 hesabı ilə qalib gəlib.

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...