Rusiyada Njde ilə yanaşı Andranik, Hamazasp və Hovhannesin də xatirə löhvələri sökülüb | Eurasia Diary - ednews.net

12 Dekabr, Cümə axşamı


Rusiyada Njde ilə yanaşı Andranik, Hamazasp və Hovhannesin də xatirə löhvələri sökülüb

Siyasət A- A A+

Rusiyanın Krasnodar vilayətinin Armavir şəhərində erməni kilsəsi ərazisində yerləşən erməni faşisti Qaregin Njdenin xatirə lövhəsi sökülüb. Rusiya mediasının əlinə düşən sənəd lövhənin sökülməsindən xəbər verir. Sənəddə deyilir ki, erməni kilsəsinin nəzarətçisi, Armavir merinin müavininin məktubuna cavab olaraq xatirə löhvəsinin sökülməsi barədə məlumat verdi.

Bundan əvvəl, noyabrın 13-də Armavir şəhər Dumasının deputatı Aleksey Vinoqradov tərəfindən Njdenin xatirə lövhəsini qara boya ilə rənglədiyi məlum olub.

Armavir erməni icmasının rəhbəri Qriqori Karapetyan erməni mediasına açıqlamasında nəinki Njdenin xatirə lövhəsinin söküldüyünü, eyni zamanda üç xatirə lövhəsinin - Andranik Ozanyan, Hamazasp Babacanyan və Hovhannes Bağramyanın da xatirə löhvələrinin söküldüyünü qeyd edib. Şəhər hakimiyyəti lövhələrin qanunsuz olaraq qoyulduğunu bildirib.

Karapetyan bildirib ki, bu addım atılmasında məqsəd kilsənin nüfuzunu aşağı salmaq olmasına əmindir. Onun sözlərinə görə, məsələ artıq Armavir rəhbərliyi səlahiyyətindən çıxıb və yalnız iki ölkənin siyasi rəhbərliyi səviyyəsində həll edilə bilər.

O, Moskvadakı erməni konsulluğu ilə dəfələrlə danışdığını qeyd edib. Karapetyan bildirib ki, diplomatik kanallarla Njdeyə qarşı Rusiyanın mövqeyini öyrənmək lazımdır.

“Ermənilər üçün “qəhrəman” hesab edilən Njdeni Rusiyada necə qəbul olunmasına aydınlıq gətirilməlidir. Bunu bilmək istəyirik. Njdenin xatirə lövhəsi bərpa ediləcək, yoxsa bu “qəhrəman” yalnız ürəklərdə seviləcək?”, - deyə icma rəhbəri vurğulayıb.

Karapetyan qeyd edib ki, vilayətdə erməni icmasının birliyi bir çoxlarının xoşuna gəlmir, bu məsədlə də məsələni qızışdırıb, parçalanmağa nail olmaq istəyirlər.

Erməni kilsəsinin nümayəndəsi tərəfindən xatirə lövhəsinin sökülməsinə niyə icazə verilməsi barədə məsələyə toxunan Karapetyan bildirib ki, belə bir qərar qəbul edildikdən sonra artıq kilsə burda heç bir müqavimət göstərə bilməz.

Njde xatirə lövhəsini sökməyə razılıq verən Ter Makar Terteryan sənədin internetdə peyda olmasına görə qəzəblənib. Rahibin sözlərinə görə, bu, anlaşılmazlığa səbəb olub.

Terteryanın dediyinə görə, xatirə lövhələri 2012-ci ildə kilsə ərazisinə quraşdırılıb.

“Səs-küy olmayıb, ancaq 2016-cı ildən bəri şəhər rəhbərliyi xalqı tədricən erməni icmasına qarşı qaldırmağa başlayıb və 2018-ci ildə şəhər rəhbərliyi qanuni olmadığından xatirə lövhəsini sökmək üçün artıq kilsəyə rəsmi məktub göndərib”, - deyə o bildirib.

Terteryan qeyd edib ki, məsələ artıq siyasi xarakter alıb və diplomatik səviyyədə həll olunmalıdır. (ordu.az)

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...