Şeyx Ayiş əl-Hüvəyyan Azərbaycan səfirinə xitabən - Allaha dua edirəm ki, Azərbaycana kömək olsun - ednews.net

3 Dekabr, Cümə

Şeyx Ayiş əl-Hüvəyyan Azərbaycan səfirinə xitabən - Allaha dua edirəm ki, Azərbaycana kömək olsun

Siyasət A- A A+

Şeyx Ayiş Rəca əl-Hüvəyyan qardaş Azərbaycan Respublikasının İordaniyadakı səfiri Eldar Səlimovun şərəfinə Əmmanın əl-Hüvəyyan məhəlləsində yerləşən əl-Hüvəyyan ailəsinin mərkəzi ofisinin binasında ziyəfət təşkil edib. Bu ziyafətdə Liviyanın İordaniyadakı səfirliyinin əməkdaşları da iştirak ediblər.

Şeyx Azərbaycan səfirini salamlayaraq Azərbaycanın düşmənləri üzərində qələbə çalması üçün Uca Allaha dua etdiyini, Azərbaycan xalqına tərəqqi və çiçəklənmə arzuladığını, Alihəzrət Kral II Abdulla və qardaşı Zati aliləri Prezident  İlham Əliyevin rəhbərliyi altında Azərbaycanla İordaniya arasındakı dostluğun daha da inkişaf edəcəyinə əmin olduğunu bildirib.

Azərbaycan səfiri Eldar Səlimov çıxışında bu səmimi qəbul üçün Şeyx Ayiş əl-Hüvəyyana öz  minnətdarləğını bildirib İordaniya və Azərbaycanı bir-birinə bağlayan mətin əlaqələri vurğulayaraq qeyd edib ki, o özünü İordaniyada, bu məclisdə qərib hesab etmir, belə ki, biz bir ailəyik.

Daha sonra İordaniyalı tarixçi-alim, “Dağlıq Qarabağ və Beynəlxalq hüquq” və “ İordaniya-Azərbaycan əlaqələri” kitablarının müəllifi  Ömər əl-Armuti çıxış edərək  Azərbaycan səfirini salamlayıb və bildirib ki, biz İordaniyadan Azadlıq müharibəsinin qəhrəmanı, Azərbaycanın mübariz və müzəffər rəhbəri Zati aliləri Prezident  İlham Əliyevi və bütün Azərbaycan xalqını səmimi qəlbdən salamlayıb Azərbaycanın işğal olunmuş torpaqlarını azad etməsi uğurunda mübarizədə əldə etdiyi qələbəsinin bir illiyi münasibətilə təbrik edirik. Ömər əl-Armuti Alihəzrət Kral II Abdulla və qardaşı, Alihəzrət Kral II Abdullanın və İordaniyanın böyük dostu  Zati aliləri Prezident  İlham Əliyevin rəhbərliyi altında İordaniya- Azərbaycan əlaqələrinin möhkəmliyinə əmin olduğunu qeyd edib.

Ziyafətdə İordaniya kübar ailələrinin başçıları, Vəqflər nazirliyinin Baş qazi idarəsinin, Fətva idarəsinin məsul işçiləri və Azərbaycan Respublikasının İordaniyadakı səfirliyinin əməkdaşlarından ibarət çoxsaylı qonaq iştirak edib.

Tədbirin sonunda Şeyx Ayiş əl-Hüveyyan Ömər əl-Armutinin hazırladığı “Ötən günlər” - Şeyx Ayiş Rəca əl-Hüveyyanın xatirələri” kitabını Azərbaycan Respublikasının İordaniyadakı səfiri Eldar Səlimova hədiyyə edib.

Tərcümə etdi: Həşim Məmmədov

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...