“Mitinq ac ukraynalı uşaq üçün nə qədər səmərəli ola bilər? Əgər siz mitinqin vacibliyinə inanırsınızsa, 30 il ərzində beynəlxalq ictimaiyyətin diqqətini cəlb etmək üçün, Qarabağda itkin düşən 4 min vətəndaşımızla bağlı niyə mitinq keçirmirsiniz?”
Ednews xəbər verir ki, bu fikirləri millət vəkili Bəhruz Məhərrəmov Milli Məclisin bu gün keçirilən plenar iclasında deyib.
Deputat Milli Şuranın aprelin 2-də təşkil etmək istədiyi Ukraynaya dəstək aksiyasını tənqid edib:
“Avropada dəstə-dəstə gəzirlər. 3-5 nəfər gedib Avropa Parlamentinin qarşısında bu məsələləri qaldırsınlar. Bütün gün eyni adamlar, eyni müsahib internet kanallarında boş-boş danışır. Bir saat söyüş söymə, əvəzində 4 min azərbaycanlının taleyini gündəmə gətir. Niyə bir dəfə trol ordunuzu bu məsələlərə sərf etmirsiniz? 3-5 gündən bir feministlərə təlimat verib çıxarırsınız küçələrə. Niyə həmin feministlər 30 ildir talelərindən xəbər olmayan qadınların hüquqlarından danışmırslar? Onlar da qadın hüquqlarıdır”.
Vüsalə Balayeva