Kristian Amanpur  Nyu-Yorkda İran prezidenti ilə müsahibə verməyə hazırlaşdığı zaman İran rəsmiləri onun qarşısına şərt qoyublar. Ednews "smh.com.su"-ya istinadən xəbər verir ki, CNN aparıcısından İran adətlərinə və İslam dini ayinlərinə uyğun olaraq hicab taxması tələb olunub.

 

Bu zaman Amanpur hicab taxmaqdan imtina edib. Nəticədə Prezident İbrahim Rəisinin köməkçiləri müsahibəni ləğv edib.

 

Amanpur Washington Post qəzetinə verdiyi açıqlamasında "Mən iranlılara öz torpaqlarının qanunlarını bizim torpaqlarımıza tətbiq etmək imkanı verməmək üçün təklifi qəbul etmədim",-deyə bildirib. O, həmçinin, bir jurnalist kimi hüququnu qoruduğunu vurğulayıb.

 

Qeyd edək ki, hadisə İranda keçən həftə polis nəzarətində olarkən ölən 22 yaşlı Məhsa Əmini ilə bağlı etirazlar zamanı baş verib. Əmini ictimai geyiminə görə Tehranın “əxlaq polisi” həbs edib. Ailəsi İran rəsmilərinin onun ürək çatışmazlığından öldüyünə dair iddialarını rədd edib.

 

Etiraz olaraq nümayişçilər hicabları və digər bu kimi örtükləri yandırıblar, qadınlar isə ölkə rəhbərliyinə etiraz edərək açıq şəkildə saçlarını kəsiblər. Amnesty İnternational hüquq müdafiə təşkilatının məlumatına görə, etirazları yatırmağa çalışan təhlükəsizlik qüvvələri azı 8 nəfəri öldürüb.

 

Nəzrin Beydiyeva

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary