İrandan vətəndaş müharibəsi ANONSU - Etirazçılara İşid üzvləri adı altında atəş açılır - ednews.net

1 Dekabr, Cümə axşamı

(+994 50) 229-39-11

İrandan vətəndaş müharibəsi ANONSU - Etirazçılara İşid üzvləri adı altında atəş açılır

Siyasət A- A A+
Xəbər verdiyimiz kimi İranın Cavanrud (Gənclik) şəhərində SEPAH-ın muzdluları etirazçıları güllələyib.  Hökümət  etirazçılara İşid üzvləri adı altında atəş açır. 
Maraqlıdır ki, əhalinin silahlanmağa başlaması,  hakimiyyətin etirazçılara qarşı olan bu münasibəti vətəndaş müharibəsinə yol aça bilərmi? Belə olduğu təqdirdə bu vəziyyət orada yaşayan soydaşlarımıza necə təsir göstərəcək? 
 
“İranda vətəndaş müharibəsi  təhlükəsini yaranacağını demək çətindir. Çünki  vətəndaş müharibəsinin  yaranması üçün ölkədə iki ideologiya olmalıdır. Bu ideologiyaların ətrafında böyük kütlələr cəmləşməlidir. Cəbhə və əks cəbhə”.  
 
Bu sözləri Ednews-a açıqlamasında politoloq Qabil Hüseynli bildirib. Siyasi şərhçi həmçinin qeyd edib ki, hazırda İranda iki ideologiya cərəyan edir. 
 
“Bu ideologiyaların birində bütün xalq toplaşıb,  digər ideologiyada isə  bir sıra SEPAH qüvvələri və mollalar var. Hazırda İran cəmiyyətində  inqilabi proseslər gedir. Bu gün inqilabdan danışmaq daha düzgün olar. Əslində bu inqilab özünün kulminasiya nöqtəsinə çatmayıb. İstənilən cəza tədbirləri, xüsusilə də  əhaliyə qarşı olan  bu cür işgəncələri terror adlandırmalıyıq.  Bu inqilab cəmiyyəti daha da  radikallaşdırır, onları inqilabi addımlar atmağa təhrik edir. Zənnimcə SEPAH-ın bütün qırmızı xəttləri keçmiş, əhaliyə qarşı törətdiyi  represiya hərəkətləri inqilabi prosesləri daha da  sürətləndirəcək, rejimin çöküşünü hazırlayacaq. Bütün bu proseslər bu yola doğru aparır”.  
 
Ekspert həmçinin  inqilabın İranda yaşayan soydaşlarımıza təsirindən də danışıb.  
 
“Bütün xalqlar üçün təhlükə hansı səviyyədədirsə, bizim soydaşlarımız üçün bir bir az daha artıqdır. İranda inqilabın lokamativini təşkil edən bizim soydaşlarımızdır. Məncə inqilab zəfərlə başa çatdıqdan sonra  danışıqlar masasında soydaşlarımızın mövqeyi daha güclü olacaq”.   
 
Son olaraq ekspert inqilabın ümumi regiona olan təsirindən də söz açıb. O bildirib ki inqilab nəticəsi kimi  regiona  dəyişmə abu- havası gələcək.  
 
“Digər bürokratik rejimlərdə ,  məsələn, Əfqanıstan və başqa ölkələrdə olan rejimlərin yumşalması və müəyyən islahatların keçirilməsinə səbəb ola bilər”.

 

Ayan Rzayeva


Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...