“Son vaxtlar Ermənistana dayaq verənlərin peyda olması Paşinyanı və digərləri sülh müqaviləsinin imzalanmasından müxtəlif bəhanələrlə yayınmağına və yenidən revanşizmə ruhlanmasına yol açıb”.
Bu sözləri Ednews-a açıqlamasında millət vəkili Azər Badamov Azərbaycan-Ermənistan münasibətlərinə fikir bildirərkən deyib. O, qeyd edib ki, Ermənistan kapitulyasiya sənədinə imza ataraq öz məğlubiyyətini imzası ilə təsdiq edərək öhdəliklər götürüb:
“Bu gün dəstək verənlərdən ruhlanaraq Paşinyanın sülh müqaviləsinin imzalanması ilə bağlı danışıqları manipulyasiya etməsi götürdüyü öhdəlikləri icra etməmək Ermənistanı fəlakətə sürükləyir. Paşinyan arxaya çevrilib çox da uzaq olmayan iki il əvvəlki tarixi yadına salmalıdır. O vaxt da yeni ərazilər uğrunda yeni müharibə edəcəyini, Qarabağ Ermənistandır və nöqtə kimi sərsəm ifadələrin işlədilməsi necə sonlandığını yada salmalıdır. İndi də Paşinyan və Mirzoyan Azərbaycanı yenidən güc işlədilməsinə məcbur etməməlidir”.
Deputatın sözlərinə görə əgər sülh müqaviləsi imzalanması baş verməzsə, Azərbaycan öz ərazisində antiterror əməliyyatının yenidən aparılmasına məcbur olacaqdır.
“Paşinyan və onun ətrafı heç vaxt yaddan çıxartmalı deyil ki, bu gün onları yenidən müharibəyə ruhlandıranlar sabah müharibə baş verərsə qaçıb gizlənəcəklər və meydanda tək qalacaqdır. Ona görə ki, birinci növbədə, Azərbaycanın bütün hərəkətləri beynəlxalq hüquq normalara söykənib və mövqeyimiz ədalətli olduğundan beynəlxalq səviyyədə ölkəmizə qarşı hər hansı bir cəhd dəstəklənmir. İkincisi isə Azərbaycan tək deyil və yanında hər zaman Türkiyə var. Əgər Fransa və ya hər hansı başqa dairə Ermənistana hərbi yardım göndərsə Türkiyə də dərhal yanımızda olacaq və heç kimə Azərbaycanın suveren ərazisinə müdaxilə etməyə imkan verilməyəcəkdir. Nəticədə isə Ermənistan ayaq altında qalacaq və tamamilə məhv olacaq”.
Oğuz Ayvaz