Azərbaycanda dövlət qeydiyyatına alınan 60 yaxın siyasi partiya var. Bu qədər partiyanın çoxluğu bir sıra suallar da doğurur. Lakin bu qədər partiyanın sıralarında tanınmış, öndə gedən partiyalar da mövcuddur. Siyasi partiyalar 2022-ci ildə nələrlə yadda qalıblar? Bu il onlar Azərbaycanın daxili, ictimai-siyasətində hansı addımlar atdı?
Ednews bu barədə tanınmış partiyalarla hesabat xarakterli sorğu aparıb. Sorğunun nəticələrini təqdim edirik:
Ana Vətən Partiyasının rəhbəri Fəzail Ağamalı:
Bu haqda ən azı 2-3 saat danışmalıyam. Partiyamızın fəaliyyətini də danışsam gərək ki, mətbuatda yayımlana. Xülasə keçmək mümkün deyil. Ana Vətən partiyasının fəaliyyətini müəyyənləşdirmək üçün facebook profilimdə geniş məlumat var. Partiyamızın sosial şəbəkədə də səhifəsi var və xeyli bu illə bağlı fəaliyyətimiz işıqlanıb.
Müasir Müsavat Partiyasının sədri Hafiz Hacıyev:
Azərbaycan Dövlətinin möhkəmlənməsi üçün, Qarabağ məsələsinin həll edilməsində partiyamızın üzvlərinin böyük xidmətləri olub. Partiyamızda şəhid olan üzvlər də var. Müharibə dövründə cənab İlham Əliyevə həmişə dəstək olmuşuq. Bundan sonra da dəstək olmağa çalışacağıq. Bu baxımdan partiyanın fəaliyyəti, onun sıralarının genişlənməsi, ölkədə demokratik islahatların həyata keçirilməsində partiyamızın verdiyi təkliflər, digər görüşlər, partiyamızın təşkilatlanması. Şuşaya dəfələrlə səfərlərimiz olub. Müxtəlif görüşlər keçirmişik. Partiya bundan da fəxr edir ki, artıq 30 illik həsrətə son qoyuldu. Biz Prezindetimizin siyasi mövqeyini hər zaman dəstəkləmişik. Rüşvətxorluğa, korrupsiyaya qarşı həmişə mübarizə aparmışıq. Bildiyimiz faktları ortaya qoymuşuq. Partiya bu il daha da üzvlərini artırıb, arıtq 80 mini keçmişik. Bu bizim üçün çox önəmlidir”.
Böyük Azərbaycan partiyasının rəhbəri Elşad Musayev:
“Bu ilə partiyamız hər hansı bir seçkidə iştirak etmədi. Böyük Azərbaycan partiyası ölkənin siyasi əhəmiyyəti olan məsələlərlə bağlı daim gündəmdə olmağa çalışdı. Mövqe sərgilədi, təşkilati işlərini formalaşadırmağa çalışdı. Ayrı-ayrı tədbirlərdə iştirak etdi. Eyni zamanda ölkənin daxili və xarici siyasəti ilə, baş verən hadisələrlə bağlı müxtəlif çıxışlarımız oldu. Əsasən siyasi partiyaların gördüyü işlərin yekun nəticələri seçkilərlə bağlı olur. Bu il də seçkilər olmadı. Amma hər halda bu il gərgin oldu. Azərbaycan və Ermənistan münaqişəsi hələ də davam etdiyi dövrdə siyasi təşkilatların bir mövqe sərgiləməsinə ehtiyac var. Partiyamız həmişə olduğu kimi dövlətçilik mövqeyindən çıxış etdi. Bu mövqedən də çıxış etməyə davam edəcək”.
AĞ Partiya sözçüsü Cavanşir Abbaslı:
"2022-ci il bizim üçün çox əlamatədar il kimi yaddaşımıza yazıldı. Ötən il və ondan əvvəlki illər də bu silsilədən idi. Bu il sıralarımız daha da genişləndi. Əvvəlki 5 ildə sıralarımıza qoşulanların toplam saylarının iki qatından çox AĞ Partiyaçıların sayı artdı. Ölkənin siyasi düşərgəsi bizi bu il daha çox qəbullanmaq məcburiyyətində qaldı. Biz onları buna məcbur etdik. Ölkədə fəaliyyət göstərən siyasi partiyalar sırasında ilk üçlükdə qərarlaşdığımızı qəbul etmək zorunda qaldılar.
Keçirdiyimiz hər bir tədbirdə, eləcə də, tarixi günlərdə təşkil etdiyimiz ziyarətlərdə hər kəs ölkənin siyasi düşərgəsinin rəngini dəyişən, illərdir yerində sayan siyasi partiyalardan fərqli olaraq, qarşısına konkret hədəflər qoyan, bu hədəflərə çatmaq üçün əmin addımlarla irəliləyən bir partiyanın siyasi meydana çıxdığını gördü. Biz qarşıdakı illərimizin hər birinin əlamətdar olması üçün çalışırıq. Bunun belə də olacağına əminik. Çünki hər bir AĞ Partiyaçı həm də bu xalqdır. Bizim partiyada əsas devizlərimizdən biri də budur: Biz Birlikdə Güclüyük!”
Vətəndaş Həmrəyliyi Partiyası sədrinin müavini Samir Əsədli:
“Bu il VHP daha çox təşkilatlanma işlərinə önəm verdi. Rayon təşkilatlarının qurultayından sonrakı növbəti yığıncaqları keçirildi. Həm də demək olar ki, bütün rayon təşkilatları. Bir sıra təşkilat sədrləri dəyişib. Son vaxtlar əsasən yeni siyasi partiyalar haqda qanunun müzakirəsi başlayanda biz ümumiyyətlə, partiyada bütün üzvlərin anket məlumatlarını yenilədik. Hər qurultay öncəsi zatən bu məlumatları yeniləyirik. Ona görə də anket məlumatlarının yenilənməsi prosesini sürətləndirdik. VHP-nin qeydiyyatında 20 minə yaxın üzv var. Hal-hazırda yeni üzvlərlə bərabər 12 minə yaxın üzvün anket məlumatlarını yenilinəb. Müxtəlif rayonlar üzrə. Proses davam etməkdədir. Bir sıra ictimai-siyasi məsələlərlə bağlı tarixi günlələr bağlı dəyirmi masalarımız, konfranslarımız keçirilib”.
Oğuz Ayvaz