“Aksiya artıq üç gündür ki davam edir. Biz vətəndaş cəmiyyəti olaraq belə qərar qəbul etdik ki, bu aksiyaya başlamaq lazımdır. Vətəndaş cəmiyyətinin nümayəndələri ilə bu aksiyanı təmin etdik. Artıq üçüncü gündür ki, heç bir problem olmadan bu aksiyanı davam etdiririk.Aksiyanın ilk günlərində rus sülhməramlılarının aqressiyası ilə üzləşdik. Amma bu bizi yolumuzdan döndərə bilməz. Təkcə çıxış yolu sülhməramlıların komandanı Andrey Volkovun aksiyaçıların qarşısına çıxmasıdır. Volkovun bura gəlməməsi öz əsgərlərinə zülm etməsi deməkdir. Əvvəllər bu postda iki əsgər dayanırdısa indi əlli əsgər dayanır. Amma, bu bizim üçün heç bir problem deyil. Biz öz torpağımızda dayanmışıq. Sağımızda Laçın, solumuzda Xankəndi şəhəridir. Magistral yol da bizimdir. Biz heç bir yolu bağlamamışıq. İctimaiyyət də bunun şahidi oldu. Əgər biz yolu bağlayırıqsa rus sülhməramlıarına aid humanitar yardım maşınlarının iki dəfə buradan keçməsinə icazə verməzdik”.
Bu sözləri Ednews-a açıqlamasında Gənclərin təşəbbüsünə və inkişafına dəstək ictimai birliyinin sədri aksiyanın təşəbbüskarlarından biri Toğrul Allahverdili bildirib. O qeyd edib ki bildirib ki dünya ictimaiyyəti bunun şahidi oldu ki, bu dezinformasiyaları yayan Ermənistan Rusiya və İran mətbuatıdır.
“Biz öz torpağımızdayıq. Bizə burda olmaq xoşdur. 30 il bu torpaqların həsrətini çəkmişik. Lazım olarsa, elə 30 il də burada dayanarıq. Burada uduzan biz yox, Volkovdur. Belə inadkarlıq göstərməsi qəribədir. Zabit mundirini qarşısına qoyub bir fikirləşsin ki, mən nə edirəm? İnsanların gözünün qarşısında Azərbaycan mədənləri, yataqları, Ermınistan, Rusiya, Fransa, İran tərəfindən dağıdılır, talan olunur. Təbii ki, bunun sonu yaxşı olmayacaq. Mən düşünürəm ki, Rusiya rəhbərliyi heç vaxt istəməz k,i Azərbaycan-Rusiya münasibətlərinə zərər gəlsin. Çünki iki ölkə arasında əməkdaşlıq yüksək səviyyədədir. Volkova görə bu əməkdaşlıq pozula bilməz. Ona görə də o sevə-sevə bizim dediyimizi etməlidir. Əgər olmayacaqsa Volkovu da Rüstəm Muradovun taleyi gözləyəcək”.
Hər şey yüksək səviyyədə olduğunu qeyd edən sədr bildirib ki, səsimiz burdan Xankəndiyə kimi çatacaq.
“Səsimizi elə Volkov da eşidəcək.Proseslər davam edəcək. Volkov ya bura gələcək ya da Moskva tərəfindən digər münqaişə ocaqlarına təyin ediləcək. Biz ermənilərlə bizim torpaqlarımızda birlikdə yaşamağa hazırıq. Tarix boyu biz onlara kömək etmişik.Sadəcə onlar həmişə satqın olublar. Vətəndaşlığımızı qəbul edərək bu torpaqlarda yaşasınlar. Əgər yenə təxribata əl atacaqlarsa Azərbaycan 44 gündə göstərdiyi dəmir yumruğu bir də işə salacaq. Bu gün burada Azərbaycanın şanlı əsgəri, polisi biz qoruyur. Cənab Prezidentin dediyi kimi dəmir yumruq yerindədir”. Toğrul Allahverdili son olaraq qeyd edib ki, ermənilər bir çox yalan xəbərlər yayımlayır. “Onlar bəzi məlumatlar yayır ki, guya Xankəndindən Gürcüstana rəqs festivalına gedən erməni uşaqlar var. Onlar öz evlərinə qayıda bilmirlər ki, bu yollar bağlıdır. Buradan o uşaqların valideynlərinə səslənmək istəyirəm ki, qəti narahat olmasınlar. Biz humanist xalqıq, erməni hakimiyyəti kimi uşaq qatili deyilik. Lazım gələrsə onlara burada yemək də verərik”.
Ayan Rzayeva
