Qazaxıstan prezidenti Tokayev Ermənistan-Azərbaycan münaqişəsinin sülh müqaviləsi ilə nəticələnməsi üçün üçüncü tərəf rolunda çıxış etmək istədiyini bildirib. Qazaxıstanda üçtərəfli görüş keçirilməsi haqqında müzakirələr aparılır.
Qazaxıstanın mediatorluğu ilə keçiriləcək görüş nə vəd edir?
“Ümumiyyətlə, Qazaxıstan və digər bir sıra dövlətlər çalşır ki, Azərbaycanla Ermənistan arasındaki sülh prosesləri onların vasitəsi ilə baş tutsun. Əvvəlcə, Rusiya, Almaniya və Gürcüstan kimi dövlətlər bunun üçün çalışdılar”. “
Bu fikirləri Ednews-TV-nin "Vətəndaş Mövqeyi" verilişində müsahibə zamanı Milli Məclisin deputatı Vahid Əhmədov bildirib.
Onun sözlərinə görə, Qazaxıstan prezidenti Tokayevin sülh prosesindəki iştirakı yüksək səviyyəlidir:
“Azərbaycan dövləti istənilən görüşə müsbət yanaşır. Bildiyimiz kimi Qazaxıstan prezidenti Tokayev Azərbaycana gəldi daha sonra isə Ermənistanda oldu. Sonra təklif etdi ki, iki ölkə arasında görüşlər Qazaxıstanda keçirilsin.
Sülh müqaviləsi ilə bağlı danışıqlar dayanmayıb, xüsusilə delimitasiya və demarkasiya işləri davam edir. Qazaxıstanda belə bir görüşün keçirilməsi türk dövləti kimi, bizim üçün də əhəmiyyətlidir.
Tokayevin də kifayət qədər bu məsələlərdə daha çox fəallıq göstərdiyi üçün onun iştirakını yüksək qiymətləndirirəm. Mənə elə gəlir ki, bu məsələ Rusiya ilə də razılaşdırılıb. Harada keçirilməsindən asılı olmayaraq, əsas məqsəd oldan ibarətdir ki, çərçivə sazişi imzalansın”.
Ətraflı video-müsahibədən izləyə bilərsiniz: