Xəbər verdiyimiz kimi, Amerika Birləşmiş Ştatları Ukraynaya Patriot raketdənmüdafiə sisteminin göndərilməsi istiqamətində hazırlığl başa çatdırmaq üzrədir. Patriot Zenit Raket Kompleksinin Ukraynaya verilməsi artıq təsdiqləndi.
Maraqlıdır, sözügedəm məsələ hansı dəyişikliyə səbəb olcaq?
Politoloq Əlimusa İbrahimov Ednews-a bildirib ki, hələlik bu silahdan bir batareya göndərilməsi nəzərdə tutulub. Hər bir batareyada səkkiz atəş sistemi mövcud olur, hər sistemdə də atəş etmək üçün dörd raket:
"Amerika Birləşmiş Ştatları və onun Avropadakı NATO üzrə müttəfiqlərinin müharibə başlayandan bu günə qədər Ukraynaya təqdim etdiyi ən ciddi silah olan Patriotun gəlməsi ilə cəbhədə vəziyyətin dəyişəcəyi barədə məlumatlar var. Təbii ki, bu məlumatları Ukrayna tərəfi və Qərb hərbçilərinə aiddir. Rusiyada isə ciddi-cəhdlə inandırmağa çalışırlar ki, Qərbin buna qədər verdiyi silahlar kimi bundan sonra da verəcəyi heç bir silah Rusiyanın nəzərdə tutduğu məqsədini dəyişdirmək imkanına malik deyil. Kremldə Patriotların da buna qədər verilən silahların aqibətinin gözlədiyini bildirirlər. Raketdən müdafiə sistemlərinin Rusiya Silahlı Qüvvələrinin hədəfinə çevriləcəyini elan edilir. Çox böyük ümid bəslənən bu silahların Ukrayna hərbçilərinin istifadəsinə verilməsi üçün müəyyən müddət gözləmək lazım gələcək. Pentoqon nümayəndəsinin dediyinə görə bu müddət bir aydan bir neçə aya qədər çəkə bilər. Bu müddət ərzində artıq seçilmiş Ukraynalı hərbçilər bu növ raketdənmüdafiə sistemi ilə işləməyi öyrənməlidir. Təlim NATO hərbçiləri tərəfindən ABŞ- də, yaxud NATO-nun Avropa ılkələrindəki hərbi bazalardan birində həyata keçiriləcək. Ukrayna tərəfi təlim müddəti başa çatana qədər yenə də Rusiyadan gələn raket zərbələrinin qarşısını əvvəlki qaydada almalıdır".
Onun sözlərinə görə, Patriotların Ukraynaya verilməsi ilə cəbhədə vəziyyətin daha da gərginləşəcəyini proqnozlaşdırırlar. Amma ABŞ Prezidenti Co Bayden bu barədə fərqli düşünür. Onun mülahizələrinə görə Patriotlar Rusiyanı danışıqlar masası arxasında oturmağa məcbur edəcək. Rusiya onsuz da Ukraynaya qarşı əlində olan bütün imkanlardan istifadə edir. Pentaqonda düşünürlər ki, son verilən silahlar Rusiyanın raket ehtiyatının ciddi şəkildə azalmasına gətirib çıxaracaq:
"Rusiya Silahlı Qüvvələri patriotlar fəaliyyətə başlayarsa İran dronlarından istifadəni artıracağı gözlənilir. Onlarda yaranan fikrə görə Patriotlar İran dronlarına qarşı yetərincə effektli deyil. Bu silahlar Yəmənin Səudiyyə Ərəbistanındakı hədəflərinə qarşı hücum zamanı özünün yüksək səviyyədə doğrulda bilməyib. Amma düşünürəm ki, Rusiya tərəfi Patriotların sahəyə çıxarılması ilə bağlı ciddi narahatlıq keçirir və son günlər danışıqlar barədə ortaya atılan fikirlər də bu narahatlığın işarəsidir. Amma istənilən halda, ruslar cəbhədə bu məşhur silahla qarşılaşmaq arzusundadırlar. Bu arzunun onları qələbəyə, yaxud uçuruma aparacağı yaxın aylarda məlum olacaq".
Oğuz Ayvaz
