Rusiya Müdafiə Nazirliyi bildirib ki, Rusiya hərbi qüvvələri cümə axşamı günü Ukraynanın Donetsk vilayətindəki duz mədəninin mərkəzi sayılan Soledar qəsəbəsinə nəzarəti ələ keçirib.
O əlavə edib ki, Rusiyanın şəhəri ələ keçirməsi onun qoşunlarına yaxınlıqdakı Baxmut şəhərindən Ukrayna qüvvələrinin qarşısını kəsməyə imkan verəcək.
Paytaxt Kiyevi ələ keçirmək və Ukrayna hökumətini devirmək kimi daha iddialı məqsədlərdən əl çəkməyə məcbur olan Kreml təxminən bir il davam edən döyüşlərdən sonra sənaye Donetsk bölgəsini ələ keçirməyi əsas məqsəd kimi qarşısına qoyub.
Buna baxmayaraq, Ukrayna rəsmiləri hələ ki, Rusiya qoşunlarının Soledarda nəzarəti ələ keçirdiklərini təsdiqləməyib.
NATO kəşfiyyat təyyarələri sərhəddə gətirilir
NATO kəşfiyyat təyyarələrini Ukraynaya yaxınlaşdırmaqdadır. Trans-Atlantik təhlükəsizlik alyansı hazırda Almaniyada yerləşdirilmiş bir neçə müşahidə təyyarəsini Rusiyanın Ukraynaya qarşı müharibəsinə daha yaxın hədəf sayılan Rumıniyaya köçürür.
NATO-nun bəyanatında deyilir ki, “Alyansın regionda gücləndirilmiş mövcudluğunu dəstəkləmək və Rusiyanın hərbi fəaliyyətini izləmək üçün” Havadan Xəbərdarlıq və Nəzarət Sistemi (AWACS) müşahidə təyyarələrinin gələn həftənin çərşənbə axşamınadək Buxarestə çatması planlaşdırılır.
Adətən Almaniyanın qərbində Axen yaxınlığında yerləşən AWACS təyyarələri bu dəfə Aİ və NATO ölkəsinin Ukrayna ilə şərq sərhədindən təxminən 200 kilometr (124 mil) məsafədə, Buxarest yaxınlığındakı “Otopeni”dəki Rumıniya Hərbi Hava Qüvvələri bazasında yerləşdiriləcək və bir neçə həftə orada qalacaq.
Eınur Ənvəroğlu