Rusiya ilə Ukrayna arasında müharibə artıq 11-ci ayını tamamlayır. Bununla yanaşı, Qərb də proseslərdən xeyli narahat olmağa başlayıb. Hətta Fransa Ukraynanın silahlandırılmasında xeyli maraqsız tərəf kimi özünü göstərməyə başlayıb.
Ötən gün Fransa prezidenti Emmanuel Makronun Ukraynaya silah təchizatı ilə bağlı çıxışı bu baxımdan maraq doğurub. Makron açıqlamasında qeyd edib ki, Ukraynaya Qərb və Aİ dövlətləri tərəfindən göndərilən silahlar Rusiyaya qarşı eskalasiyaya yönəldirilə bilməz.
Məsələ ilə bağlı Ednews-a danışan politoloq Elşən Manafov bildirib ki, Makronun bu fikirləri söyləməyə vadar edən səbəb müharibədəki proseslərin effektsiz formada uzanması, habelə Avropa ölkələrində yaranan iqtisadi gərginliklərlə bağlıdır.
“Əslində Fransa və Rusiya arasında başlanğıcda gərginlik mövcud olub və bu gərginlik Fransanın ilk baxişda Ukraynanın mudafiəsinə istiqamətləndirilən hərəkətləri və əlbəttə rəsmi Parisin Rusiyaya qarşi yönəlmiş iqtisadi sanksiyaları dəstəkləməsi ilə bağlı olub. Lakin iqtisadi sanksiyalar hələlik Qərbin gözlədiyi effekti verməyib, həmçinin bu sanksiyalardan Avropadakı bir sıra transmilli korporasiyalar kimi fransız şirkətləri də əziyyət çəkir və itkilər verirlər. Bir sözlə, Fransa da NATO-ya daxil olan digər dövlətlərlə yanaşı, Ukraynanın silahlandırmasında maraqlı görünmür. Bu da bəllidir ki, Rusiyaya qarşı muharibənin uzun çəkməsi və yaxın perspektivdə Rusiyaya qalib gəlməyin qeyri perspektivsizliyi Qərbin ümidlərini azaldır”.
Ekspert əlavə edib ki, Aİ ölkələri, xüsusilə Fransa hökuməti ölkədəki işgüzar dairələrin təzyiqi qarşısında qalıb.
“Ölkədə enerji tariflərinin yuksəlməsi digər sahələrdə də bahaliğa səbəb olub. Bu baxımdan təhsil, səhiyyə, nəqliyyat daxil olmaqla muxtəlif peşə sahiblərinin etiraz aksiyaları guclənməkdədir. Heç şubhəsiz daxildə yaranan vəziyyət Fransa hökumətini də duşunməyə, korporativ maraqlardan çıxış edərək manevrlər etməyə sövq edir”,- deyə, E.Manafov bildirib.
Ekspertin sözlərinə görə, rəsmi Pentaqon hətta sonda Rusiyanın qalib gələcəyi ilə bağlı bəzi mülahizələr irəli sürüb.
“ABŞ-dan gələn siqnallar Makron kimi siyasətçiləri belə bir vəziyyətdə özlərini sığortalamağa vadar edib. Müharibə nəticəsində infrastrukturu və iqtisadiyyatı dağılmış, yararsız hala gəlmiş Ukraynanın hətta uzaq perspektivdə belə alınan milyardlarla kreditləri qaytara bilməyəcəyi də artıq qlobal maliyyə mərkəzlərini düşündürməkdədir. Makron isə bu mərkəzlərə bağlı, hətta onların təmsilçisi olan siyasətçilərdən biridir. Görünür onun təmsil etdiyi Rotşildlər postmüharibə dövrundən sonrakı dünyanın nizamı ilə bağlı Putinlə hansısa müzakirələri aparıblar və böyük ehtimal ki, Makronun "bizim Ukraynanı silahlandırmağımız Rusiya ilə gərginliyin eskalasiyasına xidmət etməməlidir və ya bu silahlardan heç bir vəchlə Rusiya ərazisinə zərbələr endirilməməlidir" kimi açıqlamalara da məhz bu konteksdən gələn mesajlar kimi yanaşilmalıdır”.
Elnur Ənvəroğlu
