Moskvada Ali Avrasiya İqtisadi Şurasının məhdud tərkibdə iclası başlayıb.
Ednews xəbər verir ki, Kremldə keçirilən iclasda Rusiya Prezidenti Vladimir Putin çıxış edib.
O, daha sonra Şurasının geniş tərkibdə iclasının keçiriləcəyini bildirib.
Qeyd edilib ki, geniş tərkibdə iclasda qonaq qismində Azərbaycan Prezidenti İlham Əliyev iştirak edəcək.
O, Tacikistan Prezidenti İmomali Rahmonun isə qonaq qismində videokonfrans vasitəsilə iclasa qatılacağını vurğulayıb.
Qeyd edək ki, Azərbaycan Prezidenti İlham Əliyev RF prezidenti Vladimir Putinin dəvəti ilə Rusiyada səfərdədir. Səfər çərçivəsində Azərbaycan dövlət başçısının rusiyalı həmkarı ilə ikitərəfli və Azərbaycan-Rusiya-Ermənistan formatında üçtərəfli görüşləri də planlaşdırılıb.
