Qızıl mədəni olmayan Fransa 2436 ton qızıl ehtiyatı ilə dünyada 4- cüdü. Mali isə 860 qızıl mədən və ilə 50 ton qızıl hasil edərək qızıl ehtiyatı 0% - dir. Bu Fransanın müstəmləkə siyasətindən xəbər verir. Həm də Fransanın uzun illər Qarabağda ermənilər tərəfindən qeyri qanuni istismar edilən Azərbaycanın qızıl mədənlərindən də payı var idi.
Bu vəziyyətdə Fransa hansı insan hüquqlarından, düzgün formalaşan siyasətdən dəm vura bilər?
Politoloq Tural İsmayılov qeyd edib ki, Fransa uzun illər ərzində insan haqlarını heçə saymağa davam edib və qəddar, qəbuledilməz, qeyri-insani siyasət yürüdüb.
O, bu barədə Ednews-a açıqlamasında deyib.
“Bu gün də Fransa həmin o faşist zehniyyatını davam etdirir. Əlcazair müsəlmanlarına qarşı Fransanın törətdiyi qətliamlara görə beynəlxalq hüquq sistemində cavab verməməsi, eyni zamanda Əlcəzairdən başqa, bütün Afrika coğrafiyasında-Ruanda və digər ölkələrdə bir sıra cinayətlərdə Fransanın əlinin olması tarixi sübuta yetirilmiş faktlardan biridir.
Bu gün Almaniya öz faşist siyasətinə görə dünya qarşısında cavabdehlik daşıyarkən, Fransa tarix boyu heç bir cinayətinə görə məsuliyyətə cəlb edilməyib”.
Politoloqun sözlərinə görə, aparılan rəy və sorğular da göstərir ki, bu gün Fransada irqçilik və rasisizm, eyni zamanda etnik dözümsüzlük ən üst səviyyəyə çatıb:
“Sorğuların nəticələrinə görə, cəmiyyət içərisində bu eyforiyanın güclü olmağının ən böyük səbəblərindən biri Fransanın radikal faşist-siyasi qüvvələridir. Bu gün Fransada Marine Le Penin rəhbərliyi altında olan əsas müxalifət partiyasından Emmanuel Makronun hakimiyyətinə qədər hər yerdə faşizm elementləri hiss olunur.
Makronun hakimiyyətə gəlişindən sonra Fransada bu vəziyyət daha da pik həddə çatdı. Bu gün 17 yaşlı əlcazirli gəncin etnik nifrət və dözümsüzlük konteksində öldürülməsi böyük bir siyasi ayıbdır. Amma təəssüflər olsun ki, bəzən Fransanın və erməni lobbisinin siyasi quberniyasına çevirilmiş Avropa parlamenti, AŞPA kimi qurumlar Fransanın bu qeyri-insani addımlarına lazımi reaksiyanı vermir. Buna görə də mən hesab edirəm ki, dünyadakı bütün QHT-lər və vətəndaş fəalları, həmçinin media nümayəndələri bu prossesdə aktiv olmalı, Fransanın bu misilsiz cinayətlərinə qarşı beynəlxalq miqyasda kampaniyaları daha fəal aparmalıdırlar..."
Oğuz