Krşevan Antun Dujmović və Peter Marko Tasenin müəllifi olduğu IRMO nəşrinin 2023-cü ilin iyul buraxılışı Cənubi Qafqazda Qarabağ regionundakı vəziyyətdən bəhs edir.

Ednews İnkişaf və Beynəlxalq Münasibətlər İnstitutuna (IRMO) istinadən xəbər verir ki, müəlliflər bu regionun 2020-ci ilin payızında Ermənistan və Azərbaycan arasında hərbi münaqişənin episentrində olduğunu da qeyd ediblər:

"2020-ci ilin payızında bu region Ermənistan və Azərbaycan arasında hərbi münaqişənin episentrində idi. Sovet dövründə Dağlıq Qarabağ kimi də tanınan Qarabağ rəsmən Azərbaycanın tərkibində olan bölgədir, lakin SSRİ dağıldıqdan sonra erməni separatçılarının nəzarətindədir. Lakin 2020-ci ildə Azərbaycanın uğurlu hərbi əməliyyatından sonra Ermənistanın baş naziri Nikol Paşinyanın son bəyanatları Qarabağın Azərbaycanın tərkib hissəsi kimi tanınmasının mümkünlüyünü göstərir. 2020-ci il atəşkəsi əvəz edəcək ədalətli sülh müqaviləsi iki ölkə arasındakı gərginliyə son qoyacaq və bölgəyə davamlı sülh gətirəcək."

Müəlliflər həmçinin Türkiyənin Cənubi Qafqazda əsas oyunçu kimi təsirini və Azərbaycanın 2020-ci ildə qazanacağı qələbəyə töhfəsini təhlil edirlər.

Ülviyyə Şahin