Son dövrlərdə Azərbaycanda sexlərdə, iaşə obyeklərində və bir sıra digər anbar tipli obyektlərdə qeydə alınan yanğınların sayı artıb. Bu yanğınlar nə üçün baş verir? Bəs yanğınların qarşısını almaq üçün nə etmək lazımdır? Təhlükəsizlik məsələləri necə tənizmlənməlidir?
Məsələ ilə bağlı təhlükəsizlik üzrə ekspert Elmar Nurəliyev Ednews-a açıqlamasında qeyd edib ki, obyektlərdə yanğın təhlükəsizliyinə dair olan tələblərə ciddi riayət edilməsi vacibdir:
“Ümumiyyətlə, obyektlər yanğın dolabları, yanğın hidrantları, su çəni və zəruri yanğından mühafizə vasitələri ilə təchiz edilməlidirlər. Həmçinin çalışan işçilərin sayına görə, könüllü yanğınsöndürmə dəstələri yaradılmalıdır. İşçilərə mütəmadi olaraq yanğın təhlükəsinə dair bilik və bacarıqlarının artırılması üçün təlimlər keçirilməlidir. Bu bütün müəssisələrə aiddir. Xüsusi sahələr yaradılır. Bunların vəzifəsi ondan ibarət olur ki, yanğın təhlükəsizliyi qaydalarına düzgün riayət olunsun. Açıq oddan istifadə edilməsin. Edilərsə yanğın təhlükəsizliyi məlumatına riayət olunsun. Siqaret təyin olunan yerdə çəkilsin. Bütün obyeklər buna riayət etməlidir”.
Ekspert bildirdi ki, birinci növbədə yanğın baş verməsin deyə görülən tədbirlər planında bütün işçilərin yanğın təhlükəsizlik qaydalarına riayəti, bu tədbirlərin həyata keçirilməsi yanan maddələrin düzgün saxlanılması, hər biri bu proseslər baş verməsin deyə görülən tədbirlər planının bir hissəsidir:
“Yanğınların müxtəlif növləri var. Bərk materialların yanmasından baş verən yanğınlar, maye halında olan maddələrin alışıb yanmasından baş verən yanğınlar. Qaz halında olan maddələrin alışıb yanmasından baş verən yanğınlar. Partlamaya meyilli olan maddələrin alışıb maddələrin baş verməsindən yanğınlar və elektrik naqillərində baş verən yanğınlar. Yanğınların bir statistikasına baxsaq elektrik qısaqapanma baş verən yanğınlar bu böyük üstünlük təşkil edir. Ona görə mütləq elektrik təsərrüfatları yaxşı vəziyyətdə olmalıdır. Elektrik naqillərinin normadan artıq yük götürməyəcəyi artıq yüklənməməsinə diqqət edilməlidir. Hər hansı təmir işi görərkən elektrik naqillərinin düzgün izolyasiyası həyata keçirilməlidir. Bu proseslərdə onun üçündür ki, əgər bu qaydalar pozularsa elektrik naqillərində qızma, alışma, qığılcım, istilik və nəticədə yanğın qaçılmaz olur. Yanğının əmələ gəlməsi üçün 3 elementin eyni anda olması kifayətdir ki, yanğın hadisəsi baş versin. Oksigen, yanar maddə, və istilik. Bu 3 element eyni vaxtda bir yerdədirsə yanğın təhlükəsizlik qaydalarına riayyət edilməzsə əlbəttə yanğın baş verməsi qaçılmazdır”.
Elmar Nurəliyev onu da əlavə etdi ki, yanma qabiliyyəti yüksək olan maddələrin, əşyaların qurğuların düzgün normativlərlə uyğun olaraq saxlanması həyata keçirilməlidir:
“Misal üçün kağız, parça qoyulan yerə yarım metr məsafədə hər hansı bir istilik cihazı qoyulub və nəzarətsiz qalıb. Əlbəttə bu vaxt keçdikcə qızmağa, alışmağa, istiliyə gətirib çıxaracaq. Yanğının baş verməsi qaçılmazdır. Elektrik cihazı nəzarətsiz qalıb cərəyandan ayrılmayıb. Qızma, alışmanın baş verməsi qaçılmazdır. Ona görə bu qaydalara riayət edilməlidir. Yanma qabiliyyəti yüksək olan əşyalar, qurğular, avadanlıqlar hər biri normativlərə uyğun olaraq saxlanmalıdır. Anbarlarda onlar düzgün çeşitlənməlidir”.
Aynurə İsmayıl
