“Fazil müəllimin şəxsiyyətinə və fikirlərinə hörmətlə yanaşıram, amma başımıza gətirilən müsibətlərlə bağlı Azərbaycanın dövlət başçısının tarixi fikri var. Dövlət başçısı İlham Əliyevin fikri belədir: Zaman gələcək, biz Ermənistanla qonşuluq münasibətlərində olmalıyıq. Amma ermənilərin başımıza gətirdiyi müsibətləri isə heç vaxt yaddan çıxartmamalıyıq”. 

Bu sözləri Ednews-a açıqlamasında tarixçi Anar İsgəndərov millət vəkili Fazil Mustafanın “qalib ölkə kimi matəm günləri təqvimdən çıxarılmalıdır” fikirləriniə münasibıt bildirərkən deyib. Onun sözlərinə görə, yaddan çıxartmaq unutqanlıqdır. Unutqanlıq isə faciədir: 

“Biz əgər 1905-06-cı illərdə erməni bizi nə üçün qırır sualına cavab tapsaydıq, o dövrün tarixini yaddan çıxartmasaydıq, 1918-20-ci illərin o boyda faciəsi, soyqırımı olmamalı idi. 1918-20-ci illərdə başımıza gətirilən müsibətdən, fövqaladə tətqiqat komissiyasının sənədlərini öyrənsəydik, (təbii ki, buna Sovet hökuməti icazə vermirdi) onda 1980-ci illərin sonu 90-cı illərin əvvələrində erməni məkrinin mahiyyətini dərk edə bilərdik. Hər bir erməni gəncinin stolüstü kitabı Qaregin Njdenin "Tseqakron" təlimi kitabıdır. Kitabın birinci cümlədi belədir: “Sonuncu türk kar ola, kor ola, lal ola – o da öldürülməlidir”. Əgər düşmənin bizə qarşı münasibətini öyrənməsək, bizə qarşı törədilənlər, dağıdılan şəhərlər, məhv edilən məscidlərimiz, tarixi abidələrimiz yazmasaq, şagird, tələbə bunları öyrənməsə, onun fəlsəfəsini dərk etməsə 100 ildən sonra yenə tarixsiz qalacağıq. Ona görə başımıza gətirilən müsibət və ən nəhayət Ümumimilli Lider Heydər Əliyevin 1997-ci ildə dediyi tarixi fikirləri xatırlatmaq istəyirəm: “Tarix olduğu kimi yazılmalıdır. Necə var elə yazılmalıdır ki, xalq ondan öyrənsin. Bu tarix ibrətli tarixdir”. 

Oğuz