ASALA və “VoMa” kimi erməni terror təşkilatlarının fəallaşdığı və Qarabağda “partizan mübarizəsi”nə başlayacaqları haqda iddialar dolaşır. Onlar Qarabağa sıza bilərlərmi? Bundan başqa deyilənlərə görə, darama əməlliyatı keçirilməlidir? Bu əməliyyat keçirilə bilər?

Bu barədə Ednews-a hərbi ekspert Ramiz Şərifov bildirdi ki, ermənilər və erməni terror təşkilatları həmişə dünya çapında aktiv olublar. Türk dünyasına qarşı terror təşkilatları təxribatlar törədiblər və törədirlər:

“Bu o demək deyil ki, Azərbaycan silahlı qüvvələri hansısa erməni terrorçularının əlində möhtac qalacaq. Qarabağ ərazisində külli miqdarda silah-sursat, tanklar, toplar olmağına baxmayaraq onlar 44 günlük müharibədə məğlub oldular. Antiterror tədbirlərində də 24 saat içində ağ bayraq qaldırdılar. Bu terror təşkilatları ola bilsin ki, sərhədi keçib əsgərlərimizə, hərbiçilərimizə atəş açsın, bunun heç bir effekti olmayacaq. Dərhal həmin yer silahlı qüvvələrimiz tərəfindən əhatəyə alınıb məhv ediləcəklər. Azərbaycan hal-hazırda olan etapda ASALA yaxud “VoMa” kimi erməni terror təşkilatları heç bir halda bizim daxili işlərimizə qarışa bilməzlər, həmçinin təxribatlar da həyata keçirə bilməzlər. Azərbaycan ordusu heç kəsdən çəkinmir, qorxmur. Kim istəyir Qarabağa gəlsin. Layiqli cəzasını da alacaq. Necə ki, Dövlət Təhlükəsizlik Xidməti separatçıların başçılarını tutub Bakıya gətirir. Erməni sakinləri də əl-ələ verib yaşamalıdırlar. Azərbaycan tolerant ölkədir”. 

Ekspert darama əməliyyatı ilə bağlı fikirlərini qeyd etdi:

“Azərbaycan ordusunun silahlı qüvvələri axır zamanlarda sübut etdi ki, ölkəmizə istənilən yerdə təhdid olacaqsa onun cavabı mütləq veriləcək. Hansısa əməliyyatlar Azərbaycan ərazisində keçiriləcəksə bu artıq Ali Baş Komandanımızın göstərişi olacaq”.

Oğuz