Xəbər verdiyimiz kimi, fevralın 19-da Ankarada Azərbaycan Respublikasının Prezidenti İlham Əliyevin Türkiyə Respublikasının Prezidenti Rəcəb Tayyib Ərdoğan ilə geniş tərkibdə görüşü olub. Görüşdə bir sıra məsələlər barəsində müzakirələr aparılıb. Görüşdə Naxçıvan üçün iki vacib layihənin – Qars-Naxçıvan dəmir yolunun və İğdır-Naxçıvan qaz boru xəttinin reallaşma mərhələsi, Azərbaycan-Türkiyə Universitetinin yaradılmasının sürətləndirilməsi, hərbi texniki əməkdaşlığın genişləndirilməsi mövzuları danışılıb.
Bəs, görəsən görüşdə Cənubi Qafqazda mövcud vəziyyət, Azərbaycan-Ermənistan arasında gözlənilən sülh müqaviləsi məsələləri də müzakirə olunub?
Bu barədə Ednews-a türkiyəli politoloq Hasan Oktay açıqlamasında bildirdi ki, İlham Əliyev prezident seçkilərindən sonra Türkiyəyə ilk rəsmi səfərini etdi. Bu artıq türk dövlətlərinin təşkilatlanmasını adət halına çevirdi:
“44 günlük müharibədən sonra Azərbaycan dövlət quruculuğu prosesini başa vurduqca regionda geosiyasi diqqəti özünə cəlb edəcək. Bu kontekstdə Azərbaycan-Ermənistan-Türkiyə üçtərəfli sülh sazişi indi özünü getdikcə daha çox hiss etdirir. Cənubi Qafqazla bağlı ambisiyaları olanlar gizli şəkildə bu üçtərəfli sülhün qarşısını almaq, hətta lazım gələrsə münaqişələri artırmaq üçün ciddi siyasətlər hazırlayırlar. Bunlar arasında birinci yerdə Fransa gəlir”.
H.Oktay qeyd etdi ki, bu məqamda Türkiyə ilə Azərbaycan arasındakı münasibətlərin ən yüksək nöqtədə olması və onların regionda strateji planlaşdırılması xarici təsirlərin Azərbaycana mənfi təsir göstərməsinin qarşısını alacaq:
“Xüsusən də Rusiya regionda baş verənləri sakitcə izləməklə, bölgədəki münaqişələri davam etdirməklə Qarabağdakı sülhməramlı qüvvələrin müddətini uzatmaqla sülhün imzalanmasının qarşısını almağa çalışır. Ermənistan və Türkiyə sərhədlərini qoruyan rus hərbi birləşmələri kimi, Rusiya da Ermənistanla Azərbaycan sərhədlərini bu yolla qorumaq istəyir, bunun qarşısını almaq üçün nümayişləri bir kənara qoyub Türkiyə-Azərbaycan-Ermənistan üçtərəfli sülh müqaviləsini imzalamalı olurlar. Bu məsələlər İlham Əliyevin Türkiyə ilə səfəri zamanı müzakirə olunub”.
Oğuz