“Ermənistan tərəfi bildirib ki, Azərbaycana sülhlə bağlı yeni təkliflər göndərib. Bu müzakirələr adətən qapalı aparılır. Tərəflər öz fikirlərini göndərir, işçi qrupları bunların üzərində işləyir. Hər bir təklif razılaşdırıldıqca səhifənin altında imza atılır. Buna rəsmi dildə paraflanma deyilir. Yəni tam olaraq sülh mətni paraflandıqdan sonra artıq imzalanmağa təqdim edilir”. 

Bu fikirləri Ednews-a politoloq Cümşüd Nuriyev səsləndirib. O, qeyd edib ki, Erməni höküməti Zəngəzur dəhlizinin açılmasını min bir bəhanələrlə ləngitməyə çalışsa da, mözvu aktuallığını qoruyur. Hətta Münxen görüşlərində də dəhlizlə bağlı müzakirələr olub. 

Nəticə isə...
“Hər hansı bir nəticənin olub-olmaması hələ ki, naməlumdur”.  

Politoloq həmçinin qeyd edib ki, Ermənistan onun yanındakıların öz maraqlarının olduğunu anlamalıdır.

“Paşinyan peşəkar siyasətçi olmadığı üçün bunları başa düşmür. Ona görə də, erməni tərəfi tamam çaşqın bir durumda hərəkət edir. Hazırda Ermənistan üçün Fransa nağıl danışır, Amerika ayrı bir şey deyir. Avropa İttifaqının mövqeyi isə fərqlidir. İran faktoru da bu prosesdə təsirli amildir. Rusiya isə tamamilə əks qütbdə dayanıb. Belə olan halda Ermənistan tərəfindən normal bir yanaşma gözləmək də çətinləşir”.

Oğuz