Rusiyanın Avropa banklarında 300 milyardda qədər maddi aktivi mövcuddur.
Ednews euronews-a istinadən xəbər verir ki, Kiyev tərəfi bu asetlərdən necə istifadə edə biləcəyini hesablayaraq statistika yayımlayıb.
Xəbərə görə, 2024-cü ildə Ukraynanın müdafiəsi üçün əlavə 34 milyard dollara ehtiyacı var. Avropa İttifaqı isə 2027-ci ilə qədər Ukraynaya 50 milyard dollarlıq maddi dəstək vəd verib.
Kiyevin verdiyi məlumata görə, Rusiyanın Avropada 260 milyard dollar dəyərində vəsaiti var. Bundan əlavə Ukraynanın verdiyi statistikaya görə bu ehtiyatlardan istifadə edərək Kiyev 10 il ərzində, hər il 30-40 milyard dollar dəyərində vəsait əldə edərək müharibədə balansı qoruya bilər.
Bundan sonra 10 il ərzində müharibəni davam etdirmək üçün Rusiyanın öz vəsaitlərindən istifadə etmək istəyən Kiyev rəsmiləri, bu vəsaitlərdən sonra yenidən ABŞ və Avropa İttifaqından gələn dəstəyə arxalana biləcəyini bildirib.
Qeyd edək ki, hazırda Ukraynanın öz sənayesinin fəaliyyətini davam etdirmək üçün təcili 20 milyard dollara ehtiyacı var.
Fərid