Türkiyəyə qarşı “Kürdüstan dövləti” projesi yenidən gündəmə gəlib. Rəsmi Ankara buna görə ABŞ və bəzi digər Qərb dövlətlərini ittiham edir. Ümumiyyətlə, bu layihənin mahiyyəti nədir, nəzərdə tutulan xəyali Kürdüstanın sərhədləri haraları əhatə edir?
Gündəm mövzusu ilə bağlı türkiyəli politoloq, yazar Muhammet Kutlu Ednews-a geniş açıqlama verib. Onun sözlərinə görə, dövlət qurmaq terror təşkilatı qurmaq kimi deyil. Türkiyə sərhədindən cənuba qədər Suriya ərazilərinin demək olar ki, 40 faizinə nəzarət edən terror təşkilatı PKK/YPG ABŞ-ın dəstəyi ilə yenidən 11 iyunda seçki keçirməyi planlaşdırırdı.
“Seçkilərdən sonra Şimali İraqda olduğu kimi kürd muxtariyyəti yaradılacaqdı. Bu bölgə tez bir zamanda əvvəlcə qərb ölkələri, sonra isə qlobal güclərin təsiri altında olan digər dövlətlər tərəfindən tanınacaq və bu proses Türkiyə prezidenti Rəcəb Tayyib Ərdoğanın təyin etdiyi “Terror”un qurulmasına qədər davam edəcəkdi. Türkiyə və bölgədəki ərəb, türkmən əhalisi bu plana açıq şəkildə qarşı çıxdı. Kürdlərdən başqa ünsürlər seçkiləri tanımadıqlarını bəyan etdikdə, əhalinin cəmi 4 faizini təşkil edən kürdlər ABŞ-ın dəstəyinə baxmayaraq, bu geniş coğrafiyada seçki keçirməyə və suverenlik elan etməyə cəsarət etmədilər. Seçkiləri avqust ayına qədər təxirə saldıqlarını açıqladılar. ABŞ da hazırkı şəraitdə keçirilən seçkiyə dəstək verməyəcəyini bəyan etməli oldu. Çünki muxtar vilayət idarəsi və dövlət qurmaq dağ yamaclarında mağaralarda məskunlaşıb terror aktları törətmək kimi deyil”.
M.Kutlu qeyd etdi ki, kürdlər Birinci Dünya Müharibəsindən əvvəl imperialist güclər tərəfindən daim meydan oxunmuş və təxribata məruz qalmış xalqdır. Dünya Müharibəsindən sonra ingilislər və fransızlar tərəfindən bölgədə qurulan keçmiş Osmanlı qalığı ölkələrinin ortaq cəhəti onların hər birinin neft və enerji qaynaqlarına söykənməsi idi:
“Ona görə də son mərhələdə yaradılması planlaşdırılan “Terror” marionetinin sərhədləri daxilində nəhəng karbohidrogen yataqlarının olması təəccüblü deyil. Bəzi müstəqil müşahidəçilər bildirirlər ki, İraqın şimalında və Suriyanın şimalında hələ rəsmi olaraq açıqlanmayan neft ehtiyatları Səudiyyə Ərəbistanından qat-qat çoxdur. İmperialistlər əslində bölgədəki karbohidrogen yataqları ətrafında yeni sərhəd yaratmaqla quracaqları oyuncaq dövlətlə öz xəzinələrini doldurmağı planlaşdırırlar. Bu işin maliyyə hissəsidir. Məsələnin minlərlə il əvvələ gedib çıxan tarixi və dini tərəfi də var. Yəhudilərin təhrif edilmiş Tövratda yerləşdirdiyi yuxu kimi təyin edə biləcəyimiz “Böyük İsrail Dövləti” Türkiyənin Şərq və Cənub-Şərqi bölgələrini də əhatə edir. İrandan Suriyanın Aralıq dənizi sahillərinə qədər uzanan bir coğrafiyanı mövcud ölkələrdən ayıraraq qurulacaq marionet dövlət “Böyük İsrail” əyaləti olmaqdan uzağa getməyəcək qeyri-mümkün bir layihədir.
Bir sözlə, imperialistlərin onilliklər boyu bölgəni terror edərək yaratdığı mühit planlaşdırıldığı kimi nəticə verməkdən uzaq görünür. Onlar məkrli və gizli şəkildə terror təşkilatları yarada, minlərlə yük maşını silah verə, muzdlu terrorçularla bölgəni terror edə bilərlər, amma dövlət qurmaq başqa şeydir.
Nə qədər ki, Türkiyə regionda var, terror dövləti xəyalları heç vaxt gerçəkləşməyəcək”.
Oğuz
