Həbsxanada olan İran azərbaycanlısı, Nobel sülh mükafatı laureatı Nərgiz Mohəmmədi Tehran xəstəxanalarından birinə yerləşdirilib.
Bu barədə “Azadlıq Radiosu”nun Fars Xidməti məlumat yayıb.
Bildirilir ki,Nərgiz Mohəmmədinin səhhətində iki aydır ki, problem var. Ona ümumilikdə 9 həftə tibbi yardım göstərilməsinə izn verilməyib.
N.Mohəmmədi bir müddət öncə həbs edilib. O, “İran əleyhinə təbliğat”da ittiham edilərək bir il müddətinə azadlıqdan məhrum edilib.
Xatırladaq ki, Nərgiz Mohammedi insan haqqları müdafiəçisi və jurnalistdir. O, İranın insan hüquqları sahəsindəki mübarizələri ilə tanınır. 2023-cü ildə Nərgiz Mohammedi, İranda rejimin törətdiyi insan hüquqları pozuntularına qarşı mübarizədəki fəallığına görə Nobel Sülh Mükafatına layiq görülmüşdü.
