Yaponiyadan olan istifadəçi Twitterdə ömürlük blok olunub.
@nemuismywife ləqəb-adlı istifadəçi onu dişləyən ağcaqanada ölüm arzuladığı üçün sosial şəbəkədən sərt cəza alıb. Bu barədə “Mashable” məlumat yayıb.
Mikrobloqer hesabında yazıb: "Əclaf! Sən məni dişlədin, indi Öl! Əslində, sən artıq ölüsən".
Bundan sonra ona platformanın administrasiyasından xəbərdarlıq gəlib ki, hesab həmişəlik donduruldu. Eyni zamanda, qeyd olunub ki, hesab daha heç vaxt aktivləşməyəcək.
İstifadəçi baş verənləri danışmaq üçün yeni hesab - @DaydreamMatcha açaraq "Ağcaqanadların qətli hüquq pozuntusudur?", - başlığı ilə Twitter administrasiyasına açıq müraciət edib.
Məzəli post virus kimi ildırım sürəti ilə yayılıb. Şəbəkə üzrə 33 min istifadəçi bunu bölüşüb.
“Mashable” eyni zamanda, qeyd edir ki, kiberbullinq Twitter üçün böyük problemdir. Bu yaxınlarda şirkət təhqir və hədələrə qarşı mübarizəni daha da gücləndirib. Hətta sosial şəbəkə bir sıra sözlərə görə avtomatik bloklanmanı təmin edən alqoritm yaradıb. Sistem ona daxil edilən müəyyən sözlərə reaksiya verir və dərhal hesab bağlanır. Sözügedən insidentdə işlədilən “bastard”, “die”, “dead” və s. sözlər də “qara siyahı”ya salınanlardandır.(publika.az)
