Dünyanın qabaqcıl texnologiya şirkətlərindən Apple-ın keçən ilin oktyabr-dekabr dövründəki gəlirləri və xalis mənfəəti, 2018-in eyni ayları ilə müqayisədə iPhone satışlarının yenidən artması ilə yüksəlib.

Eurasia Diary  Apple-a istinadən xəbər verir ki, keçən ilin oktyabr-dekabr dövrünü balansında birinci rüb olaraq qəbul edən şirkətin cəmi gəliri, 2018-in eyni dövrü ilə müqayisədə təxminən 9% artaraq 91,8 milyard dollar təşkil edib. Şirkət, 2018-in oktyabr-dekabr dövründə 84,3 milyard dollar gəlir əldə etmişdi.

Şirkətin xalis mənfəəti də 2018-in oktyabr-dekabr dövründəki 19,9 milyard dollardan keçən ilin eyni dövründə 22,2 milyard dollara qalxraq 11%dən çox artıb.

Şirkətin bir səhmə düşən mənfəəti 4,18 dollardan 4,99 dollara yüksəlib.

Apple-ın iPhone ağıllı telefon satışlarından əldə etdiyi gəlir də artım qeyd edib.

Söz mövzusu dövrdə şirkətin iPhone satışlarından əldə etdiyi gəlir bir əvvəlki ilin eyni dövrü ilə müqayisədə 8% artaraq 56 milyard dollara çatıb. Beləcə, iPhone satışlarında bir il davam edən azalma trendi başa çatıb.

Eyni dövrdə, iPad satışlarından təmin edilən gəlir isə 6,7 milyard dollardan 5,98 milyard dollara və Mac satışlarının gəliri də 7,41 milyard dollardan 7,16 milyard dollara geriləyib.

Şirkətin AppleCare, tətbiqlər və ApplePay kimi xidmətlərdən əldə etdiyi gəlir bu dövrdə 10,9 milyard dollardan 12,7 milyard dollara qalxıb. Apple TV, Apple Watch və aksesuar məhsulların satışından təmin edilən gəlir isə 7,3 milyard dollardan 10 milyard dolların üzərinə çıxıb.

Apple-ın gəlirinin və xalis mənfəətinin bazar proqnozlarından daha müsbət olması ilə səhmləri 2%-dən çox dəyər qazanaraq 327 dollara qədər qalxıb.

Apple-ın direktoru Tim Cook, bütün zamanların ən yüksək rüblük gəlirini açıqlamaqdan xoşbəxt olduqlarının bildirərək, bunun iPhone 11 və iPhone 11 Pro modellərinə olan güclü tələbdən qaynaqlandığını qeyd edib.(marja)